Page 54 - MIN ECEM

Ainda chauffeurnan di autubus ta warda pa algo wordo haci
cu e taxistanan pirata

Tuesday, 31 January 2017 17:02
Comparti

Lakil Richards ta un chauffeur di autobus y ta cansa y harta di taxistanan pirata. E ta splica cu caminda e
sa para, e ta mira taxistanan pirata cu ta para piki hende. Nan ta bay duna keho y ainda nan ta warda pa
algo wordo haci. E ta sigui comenta cu e autobusnan ta bay e caminda cu e clientenan ta pidi pa bay.

Nan ta baha e hendenan na e mesun caminda y cobranan toch barata. Ruta mas atractivo E ruta di Hotel
ta e ruta di mas atractivo segun Richards y e clientenan ta pidi pa nan baha nan na hotel. Cada cliente cu
ta riba e ruta, ta traha na hotel. Tur di nan ta bay hotel. Segun DTP cu autobusnan no mag di piki hende
riba e ruta aki. E hendenan di Noord ta baha nan na hotel, toch ta pidi pa nan pikinan na hotel y bay bek
Noord. Nan no ta paga dos biaha pa bay Playa despues Noord. Nan ta warda e autobusnan pa piki nan pa
bay bek Noord. Ruta mara den vergunning E ruta cu nan ta mara na dje, no ta atractivo pa nan sobrevivi.
Richards ta cuminsa for di 5'or di mainta, baha pa 7'or di anochi. Toch no ta make it. E ta hopi duro, cu e
pirata, y e ruta cu nan a haya. E pirata ta cobra e hendenan 10 florin. Nan ta falta respet pa e autobusnan.
Ta pidi cooperacion di autoridad y ainda nada. Kico tin cu pasa Awor aki no tin control riba e taxistanan
pirata. Richards a splica cu e no a mira control. Si tin control, e piratanan no ta piki dilanti di e
autobusnan. E ta haci e trabao, manera cu nan ta haya ta bon. E plachi di number di e autobusnan ta
halto, huur ta halto, y asina aki nan no por. Nan ta pidi yudansa. Ta pidi polis, DTP pa duna autobusnan
tiki mas forsa. Richards ta riba caminda tur dia, for di mainta tempran te atardi. Nan mester yudansa.
Tin hopi autobus riba e ruta y nan ta para un tras di otro. Como hende no por core e ruta ey. Nan tin
suficiente bus riba e rutanan. Wardamento Constant tin movecion na e parada di bus, pero no por keda
warda 5 of 10 minuut. Si warda e piratanan ta caba cu e busnan, nan ta bay nan dilanti, nan ta piki hende
riba e ruta. Ta wak mas tanto nan ta piki e hendenan, polis ta pasa manera nada y cu nan mag. E
chauffeurnan di autubus ta paga asina hopi pero asina nan no ta yuda. Conoci Cada siman e taxistanan
pirata ta wordo cambia. Cada siman e pirata mes ta cambia di auto of di chauffeur. Si tin pirata, esunnan
ta subi, ta culpabel tambe. Pakico nan no ta bin cu un sistema, pa duna boet. E cliente tambe tin cu haya
boet y esey por stop tur cos. Si Gobierno bin cu un sistema asina, e ta cla y ta caba cu taxistanan pirata. E
ta caba cu e clientenan pasobra tin suficiente bus pa e ruta awor aki, Richards a conclui.