Page 43 - JUS JAN 3

Tipline di Polis ta 11141: 5000 Florin di recompensa pa tip
riba atracadornan GEM Stones

Monday, 02 January 2017 21:17
Comparti

Importante pa e comunidad duna un man pa asina por pone man riba e atracadornan arma cu
comete e atraco riba GEM Stones dia 30 di November 2016.

E tipline di Polis ta 11141. Awor tin un recompensa di 5000 Florin pa esun cu por yuda pa pone
man riba e atracadornan aki. Dia 22 di November nan a drenta GEM Stones den careda di 8or
di anochi. Djey nan a puntra pa diferente cos. E wowonan tabata riba e cadenanan y tambe
armbandnan di mas caro. Despues di basta puntra a bay sin cumpra nada. Dia 30 di November
a bolbe cu helm na cabez y cu arma den man. A bay riba e trahador pafo cu un baby. A pone
arma riba dje y mande paden. A reconoce e trahador cu e baby mesora pasobra ta mesun cu a
yudanan dia 22 di November. Djey un di nan a drenta mesora via e porta y bay na e joyasnan
cu a bin horta. Mesun cu nan a mira dia 22 di November. Djey a bandona e sitio. A drenta y sali
cu helm bisti. E brommer a keda para patras banda di Brickel Bay Resort. Si abo sa di e duo aki
no duda pa yama e tipline di Polis. Bo ta keda anonimo. Tur hende por duna un man y asina
yuda pa e criminalnan wordo sera. Den e atraco aki a wordo horta joyas balor na mas cu 500
mil florin of 300 mil dollar