Page 7 - CMB

a13
riba caya Diamars 2 aPriL 2019

Chauffeur a perde control

dal den cura di negoshi

SABANA GRANDI – Dialuna durante oranan di atardi
riba e caminda di Sabana Grandi pa Papilon dilanti di
Charnel a sosode un accident. Aki ta unda cu un Lancer
a dal den cura di e dicho negoshi.
Tabata un pareha den e auto y rato prome nan tabata discuti,
cu consecuencia e chauffeur a kita concentracion for di riba
caya, y a baha caminda perde control pa despues bay dal contra
e cura. Ambulance a presenta na e sitio y paramediconan a
brinda asistencia medico na e victima.

Homber atraca na momento di deposita placa

SASAKI - Dialuna trempan pasa di 7or mainta un
homber a yega RBC na Sasaki cu botin di placa pa
deposita y drentando paden a keda sorprendi pa un
homber cu arma di candela den man.

Prome autoridad a kere ta un trahado di e banco, pero a re-
sulta cu ta dos trahado di un compania a presenta trempan pa
deposita un suma grandi di placa pa un negoshi. E sospecho-
so despues di a haya e botin di placa a bandona e sitio den
un rav4 blanco A-15092. Polisnan a cuminsa cu un buskeda
grandi rond mientras un tabata na e banco papiando cu e vic-
tima y asina a bay cu ne warda di recherche pa papia cu atraco
team. Polis a haya e rav4 blanco den mondi mas panort a tuma
e auto den confiscacion e caso mes ta bou investigacion pa
recherchenan bay saca afo kende ta e sospechoso y via cama-
ranan rond wak for di unda e sospechoso lo tabata sigui e dos
personanan aki mainta trempan.

Durante pelea yiu a agredi tata den cas na Pos Chikito

ORANJESTAD - Dialuna atardi, agentenan di polis
di San Nicolas a keda dirigi pa un cas na Pos Chikito,
unda lo tabata tin pelea entre tata y yiu.

E homber lo a dal e tata cu un obheto na su cabes y e tata a
keda herida. Polisnan a topa cu e tata herida, pero e no tabata
desea asistencia di ambulance cu tabata presente. Polis a in-
termedia.