Page 24 - AAA

Sr. Barkmeyer a splica cu na April ya caba tabata tin un tormenta, Arline. Cu
esaki por spera ainda 10 tormenta ainda. E hecho cu ya caba na April tabata tin
un tormenta, ta algo toch quasi normal. Arline a cuminsa como un tormenta sub

tropical y el a haci e transision pa un tormenta tropical.

Keto bay por mira e efecto El Niño neutral, cu ta ser spera te ora cu zomer
cuminsa. Si na dado momento bin un cambio den esey, un transiscion pa La

Niña, e ora lo por haya mas actividad. Pero La Niña ta trece mas yobida y mas
tormentanan tropical. Ya caba for di Januari, tabata tin efectonan di La Niña

caba, cu ta pesey tabata tin awaseronan insistente, pero esey a calma, segun
Sr. Barkmeyer y a bay den un posicion neutral.

Si tin algun actividad den e parti noord di Venezuela, esey por spera algun
efecto na Aruba. Den e temporada aki Venezuela ta normal cu e pais aki ta

drenta su temporada di yobida, y esey ta door di e zona di convergencia
intertropical ta subi bin pareu cu e posicion di solo y door di esey ta haci cu ta

haya bastante yobida.

Loke ta pasa na Republica Dominicana, Haiti y Jamaica, ta un storing den e
bovenlucht cu ta bayendo poco poco den direccion noord- oost. Pero pa e
dianan aki ainda nan por spera yobida ainda, cu mudslides. Kisas tin algun

chens pa yobida, pero ainda Aruba ta bou efectonan di e stof di Sahara ta tene
tur actividad abao.

Esaki ta e motibo pa cual mainta trempan y atardi por wak manera un capa

shinishi ta baha. Den e dianan e ta basta concentra vooral den oranan di mainta
y anochi, ora cu convectie ta stop y e temperatura ta cuminsa mengua y e

condicionnan ta bira mas stabiel. Esey ta loke ta pasando actualmente.

E stof di Sahara, segun Sr. Dave Barkmeyer, director suplente di Departamento

Metereologico Aruba, e no kier mete den e ramo di medicina, pero si ta conoci
pa su persona, cu durante e temporada cu e tin e stof di Sahara, hopi hende ta

sufri di malesa di cuero, otro ta haya wowitis, dus malesanan di sistema