Page 8 - DESPA

Parlamentario Clarisca Velasquez "Nos ta orguyoso di nos
servicio di Ambulance!"

Thursday, 02 February 2017 08:58
Comparti

Esaki ta palabranan di Dokter Joel Rainjherc.... ora ela a sinta cu fraccion di AVP pa informa nos ariba
tur e servicionan cu IMSAN ta brinda na nos comunidad. Su wowonan tabata briya ora e ta conta
fraccion di AVP riba e servicio di ambulance.

Nos tambe ta orguyoso sigur y esaki mester gradici nos gobierno tambe cu awe nos ta conta cu 10 auto di
ambulance nobo cu ta di anja 2014,2015 y 2016. Tin 3 post di ambulance na Aruba parti den 3 rayon. Na
Sanicolaas tin un post cu 2 ambulance, na Schotlandstraat tin un post cu 2 ambulance y na Wayaka tin e
post di mas grandi cu 6 ambulance door cu ta central y claro mester cumpli cu rating di aeropuerto
tambe den caso di calamidad. Tin 16 verpleegkundige ta traha riba ambulance cu ta full certifica pa
brinda servicio riba ambulance. Y desde anja 2013 a cuminsa cu certificacion pa ta ambulance
verpleegkundige cu docentenan di Hulanda cu ta bin duna e certificacion aki. Manera e palabra di dokter
Rainjherc mes: " brain power first mechanic power second". Tin 13 ambulance chauffeur cu ta certifica
pa ta assistent verpleegkundige tambe. Y entre otro ta sigi cursonan di "slipgevaar" tambe riba con pa
maneha e auto ora tin "bottle necks" den trafico. Riba cada warda tin 1 officier van dienst y 2 rapid
responders.

E personal di ambulance ta completamente equipa pa nan cumpli cu nan meta principal pa duna e "pre
hospital care" cu mester ta optimal. Nos por bisa tambe cu nos tambe ta orguyoso di nos equipo di
ambulance cu ta brinda bon servicio na nos comunidad. Y awendia mihor equipa cu nunca. Den pasado
tabatin hopi critica cu falta ambulance pa brinda servicio na nos comunidad pero awe nos ta orguyoso cu
despues di anja 2009 a inverti pa amplia e "wagenpark" di ambulance y tambe a inverti den e capital
humano pa asina brinda servicio di calidad na nos comunidad. Na e trahadornan di ambulance nos kier
bisanan cu nos di fraccion di AVP tambe ta hopi orguyoso di nan y di nan servicio cu nan ta brinda na
nos comunidad y nos kier bisa nan hopi danki pa tur cos.