Page 10 - MIN ON 3 APRIL 2017

ORANJESTAD, Aruba – 2 april 2017: Diabierna anochi durante e evento di
Premio Excelencia den Deporte 2016, e deportista Aksel Samardzic, kende ta
representa Aruba profesionalmente den Beach Tennis, a bira e ganado absoluto
den Deportista di Aña Internacional.Aksel Samardzic ta remarca cu e no tabata
spera di a bira e ganado absoluto di Deportista di Aña Internacional. “Mi a haya
sa algun dia pasa cu mi a wordo nomina y mi tabata hopi contento. Pasobra pa
mi tin hopi bon atleta cu ta biaha y haci tremendo trabou den nan deporte. Mi ta
train duro, pero mi tabata sumamente contento di a wordo nomina.”Como atleta
Samardzic ta mira cu a wordo reconoci como un di e miho atleta di e isla,
specialmente awo cu e tin e titulo, esaki ta motiva e atleta pa sigui bay dilanti.
“Mi sa cu traha duro, bo ta mira e fruto.” Samardzic ta remarca cu esaki ta un
honor pe y ta bay pa mas.Aruba tin hopi atleta heroe pero cu mester wordo
reconoci. Deporte ta sumamente importante pe isla, pero no solamente pe isla
sino mundialmente. “Mi sa cu eyfo tin hopi atleta di Aruba cu ta haci nan
esfuerso, cu ta traha duro manera ami y mi ta sigur cu nos lo haci Aruba
orguyoso,” el a termina bisando.

MINISTER DI SALUD PUBLICO, CUIDO DI

NOS GRANDINAN Y DEPORTE, DR. ALEX

SCHWENGLE, PREMIO EXCELENCIA DEN

DEPORTE 2016 A PREMIA TUR CU TA

SOBRESALI

April 3, 2017 adminarubanative Uncategorized Leave a comment

ORANJESTAD, Aruba – 2 april 2017: Diabierna anochi a tuma luga e di 14
aña di evento di Premio Excelencia den Deporte, unda cu a entrega premio na e
atletanan cu mas a destaca den aña 2016. E anochi aki tabata inolvidabel pa tur
esunnan cu tabata presente. Un biaha mas Ministerio di Deporte a duna su
sosten na e evento aki cu a tuma luga den e ballroom di Aruba Marriot Hotel and
Stellaris Casino.Minister di Salud Publico, Deporte y Cuido di Nos Grandinan, dr.
Alex Schwengle tabata presente e anochi aki desde comienso te na final. E
Minister a remarca cu e evento tabata bunita y necesario. “Mi ta kere cu ta
definitivamente ta un anochi cu mester sigui cune tur aña pa duna elogio y balor
na nos deporte na Aruba. Sigur no solamente na nos hubentud cu ta bin, pero
tambe sigur na e baluartenan. Con cu bay bin e ta forma un circulo”. For di e
baluartenan nos ta siña y nan por traspasa e amor pa deporte na e generacion
nobo. Asina e hobennan cu ta bin na deporte ta tene nos grandinan contento