Page 84 - MIN ON 3 APRIL 2017

PROBLEMA CU SMOA/COLEGIO

Conforme e denominacion di Colegio Arubano y e statutonan di SMOA e hunta di
supervision ta consisti di un miembro cu ta wordo apunta pa Bisdom di Willemstad, un
otro miembro cu ta wordo apunta pa e comision di mayor OCCA y e demas miembronan
ta wordo apunta door di e dos miembronan aki cu ta wordo considera e miembronan
primordial. Mirando cu OCCA, siendo parti nan mes di e hunta di supervision di Colegio
Arubano ta bati alarma ta un indicacion fuerte di un situacion sumamente problematico y
preocupante den SMOA. Lastimamente mester constata cu actualmente conforme e
structura gobierno como stakeholder y subsidiario no ta wordo representa den SMOA.

SITUACION ACTUAL

Hooyboer-Winklaar ta indica den su carta cu e situacion actual ta e resultado directo di e
ultimo cambionan di statuto di SMOA cu ta contra ley y tambe door di e maneho
autoritario y solista di e presidente di e hunta di supervision sr. Bart Kool. Segun e
mandatario Ministerio di Enseñansa, riba conseho di departamento di asuntonan huridico
di gobierno, na mas cu un ocasion a informa SMOA cu a cambionan di statuto ta contra
ley y cu si esakinan no wordo ahusta bek cu lo por tin consecuencia grandi pa cu e
relacionnan di autoridad y responsabilidad interno y externo.

RELACION CU SMOA Y BART KOOL

Den e carta na Bidsom Hooyboer ta cataloga e relacion y comunicacion cu SMOA y
particularmente cu Bart Kool e ultimo añanan aki como sumamente dificil y casi
imposibel. E minister ta haci referencia akinan na tur e incidentenan di e ultimo añanan
entre gobierno y SMOA cu a conduci na casonan den corte entama door di SMOA di cual
tur a sali negativo pa e directiva di scol. Como esun mas recien ta menciona e debate rond
di e nombracion di e candidato pa rector nobo di Colegio Arubano unda cu SMOA a
ignora tur ley y regla vigente y ta opta pa bolbe manda gobierno corte sin ningun base.
Hooyboer-Winklaar ta haya esaki hopi lamentabel y ta indica cu tur esaki tabata tin un
impacto sumamente negativo riba ambos personal y studiantenan di e scol. Den e carta na
Bisdom e titular di enseñansa ta indica di a perde confiansa completo den e presidente di
e hunta di supervision di SMOA, kende a wordo apunta door di Bisdom den pasado. E
mandatario ta pidi pa retiro di inmediato di sr. Kool mirando e falta di confiansa como
tambe a base di e hecho cu sr. Kool a pasa su termino stipula pa e statutonan como
miembro di SMOA.

RENUNCIA DI BART KOOL

Aunke Ministerio di Enseñansa no a ricibi confirmacion oficial, mientras tanto por a tuma
nota den medionan di prensa cu sr. Kool a anuncia su retiro como presidente di SMOA.
Minister Hooyboer-Winklaar ta indica cu otro siman lo tene un reunion cu Bisdom y