Page 19 - KPA

Curpa sin bida haya patras di Light House ta di un local

Friday, 26 May 2017 10:38
Comparti

Algo pasa di 6or di mainta un persona canando parti patras di lighthouse a notifica polis cu el a haya un
curpa di un hende banda di laman y no ta duna señal di bida. Mesora patruya di Noord a ser dirigi na e
sitio menciona hunto cu cuerpo tecnico y Recherché. A cuminsa cu un investigacion.

Na yegada di patruya a bin topa cu un curpa di un ser masculino banda di e barancanan. Pa mas o menos
8:50 AM, dokter a constata morto di e persona haya. Aurora Funeral Home tambe a presenta na e sitio
cu su personal pa asina transporta e curpa. Famia a ser poni na altura di e situacion. A haya e auto di e
persona tambe poco mas pariba. Ta sospecha cu e por a bira malo pero ainda e detaye aki mester wordo
confirma pa Polis. Pas na su restonan y forsa na e famia. Takelwagen a bay cu e auto.