Page 30 - AVP

Tanto dr. Horacio Oduber Hospital como Minister Dangui Oduber e tempo ey a reacciona riba e preocupacion
di Eman y den un declaracion na prensa a bisa di no ta reconoce nan mes den loke Eman a trece dilanti. Den
nan comunicado nan a sigui bisa cu pronto lo bin un reemplasante pa Jonkhoff y cu cuido di Oncologia ta
garantisa. “Nos ta 4 luna mas leu y te ainda no tin un reemplasante fiho pa Jonkhoff” Eman, kende a para un

bes mas dilanti hospital hunto cu algun pashent preocupa, a bisa. Pashentnan Ruth Lejuez y Juan Kock a
invatisa tambe cu te ainda no tin un reemplasante pa Dr. Jonkhoff. Mescos cu Eman nan tambe ta di opinion cu
trece tur luna un otro oncoloog temporal no ta nada adecuado. Di e forma aki e pashent no ta construi un bon

relacion cu su dokter y riba dje un situacion asina ta trece e riesgo cu ne cu asuntonan importante no ta keda
detecta.

E promesa cu ‘Pashentnan por ta trankil’ a resulta awor palabranan cu biento a bay cu nan. A bin sali na cla cu
no solamente no tin un reemplasante fiho pa Jonkhoff, pero tambe cu durante henter luna di augustus

posiblemente lo no tin ningun oncoloog na Aruba. “Esaki ta algo sumamente iresponsabel”, Eman a enfatisa
un bes mas. “E pashent a wordo engaña y laga pa su cuenta. Minister como e ultimo responsabel pa un bon
cuido medico riba e isla aki a faya barbaramente. Tur envolvi tabata sa cu lo no tabata facil pa haya un

reemplasante pa Jonkhoff, pakico e ora no a traha cu interes pa loke ta e pashent den e asunto aki? Gobierno y
sigur Prome Minister Wever-Croes, kende tabata na altura di e situacion, mester a trata na interveni cerca
Hunta di Comisario di HOH. Na hopi ocasion mi a haci esey tempo mi tabata Prome Minister ora mi tabata
mira cu un desaroyo por a afecta e calidad di cuido y interes general tabata core peliger”, Eman a splica.

Dokter Jonkhoff ya tin algun tempo caba cu el a bay y desde e tempo ey hospital ta trahando cu invallers.
Awor tin temor cu na luna di augustus lo no ta bay tin ningun oncoloog na Aruba pa yuda e pashentnan cu
mester di e cuido necesario aki. “Si esaki sosode ta e punto mas abou den cuido medico na Aruba. Ta trata aki

di bida di hende. Bida di hende cu ta wordo trata den forma desinteresa.”, ExPromer Minister Mike Eman ta
bisa na final.

https://arubanative.com/2019/07/23/expromer-minister-mike-eman-te-ainda-aruba-no-tin-un-
oncoloog-permanente/