Page 47 - AVP

Minister Dangui Oduber Tin Confianza Cu E

Sentencia Di Caso Lotto Lo Sali Na Fabor Di

Gobierno

 Local
- 22/07/2019

Minister Dangui Oduber ta contento di tende cu porfin lo tin un sentencia den e caso
asina anticipa di retiro di Hunta di Supervision di Lotto.

Despues cu 8 biah Huez a pospone e sentencia den e caso aki diaranson awor 24 juli 2019
lo tin e sentencia y Minister Dangui Oduber tin e pleno confianza cu husticia lo
prevalence y Gobierno lo haya rason den e caso aki.

Ta lamentabel con deporte a wordo perhudica pa casi 2 aña caba caminda por nota con e
miembronan di Hunta di Supervision ta abusa di fondonan, cumpra camera di seguridad,
tin creditcard na balor di $10,000, tin telefon paga, celular paga, cable paga, mientras
deportistanan ta sufri y deporte no papia mes.

Den un estado di derecho cu tanto fechoria cu ta wordo cometi pa miembronan di Hunta
di Supervision Minister Dangui Oduber no por pensa mes cu e sentencia no lo ta na fabor
di Gobierno.

Awor a bin resulta cu e miembronan kier colga y culpa e Director saliente, sr. Di
Stefano Wernet pa tur loke a bay robez.