Page 13 - BNDIA ARUBA

a13
riba caya Diamars 19 maart 2019

Aruba ta registra su prome y di dos morto den trafico

SASAKI - Diasabra pa mas o menos 3:30 marduga auto-
ridad ta keda informa cu riba Sasakiweg na e rotonde
nobo pabou di Superfood tin un accidente pisa unda
auto a dal contra e rotonde y bolter.

Patruyanan cu a yega na e sitio a topa cu un Hyundai riba su
dak basta kibra riba parti di e rotonde. Den e auto tabata tin un
persona. Un amigo cu a sali cu ne y tabata sigui meternan leu
a bin topa cu e accidente y a informa e polisnan cu e homber
ta den e auto ainda. Ambulance a yega basta lihe, y mester a
warda brandweer presenta pa corta e auto pa yega na e vic-
tima. Debi na e slanan fuerte na su cabes y curpa e homber di
31 aña di edad a fayece na e sitio.

Dokter a presenta na e sitio pa constata morto di Ferdinand
Hsing di 31 aña di edad naci na Aruba na 1987. Specialista
di trafico tabata presente pa haci nan investigacion, e auto a
bolter for di yegando e rotonde unda e caminda nobo a keda
traha ranca parti di acera y benta e blokinan riba caminda y a
bin pega den e rotonde. Personal di slachtofferhulp a presenta
pa atende cu e famia na e sitio.

Di dos morto den trafico
Sra. Quandus ta bira e di dos victima di trafico. Ta asina cu
auto a dal sra. Quandus di 82 aña di edad riba anochi di car-
naval ora cu e tabata crusando caminda na Tanki Filp. E auto
a dal su persona y a sigui core bay. Despues di e impacto dos
auto cu tabata patras tambe a sigui core como si fuera nada no
a pasa. E slanan cu sra. Quandus a ricibi tabata fuerte y esaki
a causa su morto.

Autoridadnan ta pidi si cualkier persona tin informacion di e
incidente aki pa tuma contacto cu nan.