Page 41 - MIN ECEM 6 APRIL 2017

isla ta sigui cu su operacionnan normal. Nada ta wordo haci contra di e esaki y
ta parce cu tin un ignorancia total ariba salud y bida di hende.

E caso di e dump ilegal di Tamarijn ta un caso hopi lamentabel segun Sr. Croes.
Ta un lastima cu awo turista y hotelnan ta haya hopi molester di e huma, no

obstante cu e area di Parkietenbos y Simeon Antonio tambe ta haya molester di
e unico dump legal na Aruba.

Esaki ta keda un situacion hopi lamentabel, y Serlimar ta spera cu pronto lo tin

un solucion ariba e partinan aki. Dia, luna y añanan ta pasa bay e problematica
ta keda keto bay.
Den e caso aki, esunnan cu ta tira sushi den e dumpnan ilegal, tambe ta

culpabel, mientras cu tur hende sa cu Parkietenbos ta pornada. Y aki ta
caminda cu autoridadnan competente mester actua cu mas man duro.

Hopi biaha Sr. Croes a combersa cu Sr. Marlon Pieters encuanto esaki, pero nan

tambe ta hayanan confronta cu falta di personal. Awor lo mester traha ariba e
parti di conscientisacion y pa traha conhuntamente cu Cuerpo Policial y esaki ta

un tema interesante y den e simannan nos dilanti, Serlimar tin un reunion cu
Cuerpo Policial, y lo mester cuminsa na actua mas severo.

Pero tambe e gobernantenan, leynan cu mester wordo aplica. Tur hende sa cu
tin dumpnan ilegal, pero nada no ta wordo haci. Serlimar no por bay enfrenta e

dumpnan ilegal y pone un cadena eynan. E departamentonan concerni sa unda
e dumpnan ilegalnan ta y ken ta doño, y nan mester cuminsa actua. No por

keda haci como sifuera cu nada no ta pasando. Ley mester wordo poni den
efecto.

Dne Franse Pas tambe tin un dump ilegal ta lantando, y ora di wordo gara, nan
ta haya un multa. Pero ora cu’n compania grandi haci esaki, nada no ta wordo

haci. Anto esaki pa Sr. Lionel Croes, di Serlimar ta un acto condenabel.