Page 6 - AVB

AVB: Falta referee den Caribe pa fluit weganan

internacional

March 31, 2019

Curso di referee ta forma parti di e plan strategico

ORANJESTAD, Aruba: Arubaanse Voetbal Bond (AVB) a organisa un curso pa recluta referee nobo,
contando cu participacion di 20 cursista di diferente edad. Tabatin jong, mucha muhe y tin edad un tiki mas
avansa. AVB ta contento cun’e, specialmente e cantidad. E federacion ta spera di keda cu e cantidad aki. Ing.

Richard Dijkhoff, Presidente di AVB, a expresa cu ta spera di por yega na mas referee pa por cumpli cu e
weganan cu tin. AVB ta organisa mas o menos 1600 wega pa aña den e diferente campeonatonan.

Refereenan ta hunga un rol hopi importante y e federacion ta hopi contento. Esaki ta bin for di e plan strategico

cu nan a caba di implementa y ta poni den e plan pa dedica hopi atencion na e refereenan. Asina aki pa yega na
mas referee, pero riba nivel hopi halto pa nan por representa Aruba den exterior. P’e curso aki AVB a invita
Valentino Chance di Corsou, kende ta un persona hopi conoci den e mundo di referee na Corsou.

A trece Aruba p’e por duna e curso aki pa asina aki por haya experencianan no solamente local, pero
experencianan di afo y pas’e over na e grupo aki di 20 cursista. Tin diferente plan den tapara, pa motibo cu den
Caribe ta poniendo hopi enfasis riba asunto di referee. A constata cu den Caribe tin un “achterstand” riba e
refereenan den Sur America of Noord America. E itencion ta pa cera e buraco ey pa haya refereenan den