Page 24 - FDLP

E medio deportivo '297 Sports' a lansa

su propio portal deportivo

Posted on 12/18/2018 7:06 pm AST | Updated on 12/18/2018 7:07 pm AST

ORANJESTAD – E medio deportivo conoci como 297 Sports, a inaugura su propio
portal cybernetico diamars atardi, durante un conferencia di prensa na Balashi Gardens.
Notable tabata un cantidad di cara deportivo conoci, manera Sarah Quita Offringa,
Monica Pimentel y Allric Kock. Intencion director y propietario di e portal, Seever
Krozendijk, ta no pa tin solamente potret y relato di deporte, sino awor tin un plataforma
mas amplio unda cu por ubica tambe tur otro faceta di deporte. Tin cu pensa den
direccion di salud, entrenamiento y mucho mas, y kico tur tin cu tene cuenta cune ora cu
a practica deporte. Cu e pagina di Facebook antes so, no por a dun’e e espacio ey manera
cu Krozendijk tabata kier. Hunto cu su otro compañeronan manera Noel ‘Nootje’
Werleman, nan lo sigui percura pa cubri tur aspecto di deporte pa Aruba manera nan a
bin ta haci pa varios aña. Ta considera 297 Sports como porta e medio mas completo pa
loke ta cobertura di deporte local y internacional di nos atletanan local. NoticiaCla ta
felicita 297 Sports y Seever Krozendijk y Noel Werleman cu e lansamento aki. Mester
bisa cu 297 Sports tin un bon cooperacion pa ora cu ta trata cobertura di deporte local.