Page 38 - FDLP

ORANJESTAD (AAN) – Recientemente nos scol di futbol SECA a divulga nan uniform
nobo. Esaki a pasa danki na un curason di oro cual ta Renaissance Aruba Resort &
Casino, cu a duna nos scol un tremendo sponsor.

E bendicion di e uniform a pasa na un forma unico manera SECA so por. Y naturalmente
unda miho pa hacie na e lugar unda nos ta demostra kico nos por! Pa e bendicion aki
tabatin e representante di Renaissance Aruba Resort & Casino, esta Rosianne Faro
hunto cu Richard di SECA.

Manera ta conoci, e teamnan di futbol y tambe e scolnan di futbol ta pasa den
momentonan difícil pa por yega na nan meta. Pa tin tur material necesario pa asina nos
muchanan por bay dilanti den nan deporte favorito.

SECA ta un scol di e deporte futbol cu a ser funda na maart 2017. E tempo aki a mira
un necesidad grandi na e parti tecnico pa futbol. Mas tecnica nos hinca den futbol, miho
productividad tina riba veld, especialmente ora di wega.

SECA ta un scol cu actualmente tin 40 miembro, entre 4 – 16 aña. Aki ta trata di
mucha homber y tambe mucha muhe. Mucha muhenan ta demostra cu nan ta fuerte
den futbol y nan kier bay dilanti pa demostra esey tambe!

E trainingnan di SECA ta sumamente varia pa asina no solamente lante a nivel di futbol,
sino pa haci esaki super atractivo pa e muchanan lanta nan interés mas ainda pa e
deporte unico aki!

Nan ta train 1 biaha pa siman, esta tur diabierna na Centro Deportivo Frans Figaroa
di 5.30 PM – 7 PM. Si tin mucha cu ta gusta y tin interes pa sigui cu e bunita deporte
aki por tuma contacto cu Richard na 568-3406.

https://www.diario.aw/2018/12/team-di-seca-a-haya-nan-uniform-nobo/