Page 45 - AHATA

ORANJESTAD (AAN) — Minister Ruiz Maduro, titular di Finanzas, Economia y Cultura,
den conferencia di prensa a splica cual ta e motibo pa cual tin descontento den Douane,
ocasiona pa un convenio cu a keda firma pa ex-Minister Bermudez y SADA, y cu ta crea
un precedente pa gobierno di 50 pa 60 miyon florin, si e demas empleadonan publico ta

demanda un convenio igual.

E dignatario a splica cu na momento cu e gobierno aki a sinta tabata tin un convenio
riba mesa cu e sindicato di Douane a firma cu ex-minister Bermudez, cu a wordo firma

dia 21 di Juli 2017, den cual e ta brinda un otro structura salarial pa locual ta Cuerpo di
Douane. Den esaki nan lo a drenta den otro scale salarial y tambe den un carera mas
cortico, kiermen mas lihe nan lo a yega na un salario mas halto.

Den e convenio a pone algun punto cu pa Douane ta hopi mas beneficioso cu e otro
ambtenaarnan y otro departamentonan ehecutivo di nos pais.

E mandatario a indica cu e prome bez cu el a wordo acerca door di e sindicato, nan a

bin den un forma di accion y presenta bisa cu nan kier sa con a para cu e convenio aki.

E minister a señala cu tur hende sa con e traspaso di gobernacion a tuma lugar ora e
gobierno nobo a asumi e mando, pero ora el a haya conocimento di e convencion el a

cuminza traha riba su implementacion.

Esaki pasobra ex- Minister Bermudez y otro personanan a firma, pero nada a wordo
haci na implementacion di e acuerdo aki, loke mester a tuma lugar door di un decreto

gubernamental, cu tin cu sigui su proceso di legislacion. Kiermen e tin cu pasa den e
organo di conseho di Raad van Advies, pa asina e por sigui su proceso unda cu
individualmente pa asina traha e decretonan pa cada duanero bay den e sistema nobo
salarial.

Minister Ruiz-Maduro a subraya cu el a manda tur e informacionnan aki, pero den e
transcurso di tempo, na November 2018 a cera un protocol cu Hulanda, den cual un di
e puntonan cu a bin aden, ta e asunto di gastonan di personal, den cual a bin un gap pa

loke ta trata e gastonan aki.