Page 68 - AHATA
P. 68
METACORP A PARALISA
OPERACION PA REUNION
GENERAL CU TRAHADONAN
12 September, 2019, 6:31 pm
Mas o menos 600 trahado di tur nan subsidiarionan, manera ta ATCO Aruba, ATCO
Concrete Products, EcoTech, EcoGas, Tropical Bottling Company, Brouwerij Nacional
Balashi, New York Laundry, The Movies Aruba y MetaCorp mes a atende un reunion
general awe tardi den ballroom di Aruba Marriott Resort & Casino. Parce cu e meta di e
reunion tabata pa informa tur nan trahadonan di e ultimo desaroyonan rond di e leynan
nobo cu Gobierno kier pasa of kier adapta, cu lo por tin consecuencia pa operacion di e
companianan.
Manera e “memo” emiti e siman aki tabata bisa specificamente, cu e ley cu
Minister Otmar Oduber kier pasa den Parlamento dia 23 di september proximo, lo hinca e
compania EcoTech den problema serio. E kier “obliga” tur e 6000 clientenan residencial
di EcoTech pa paga 17,50 extra (riba e tarifa regular di recogemento di sushi), cu lo haci
e tarifa hopi mas caro contra e Afl. 25.00 cu Serlimar ta cobrando pa luna.
