Page 96 - AHATA
P. 96
Un di e componentenan aki ta pa recoge e sushi y e otro componente ta p’e maneho di e
sushi. E ta 17.50 florin p’e maneho di sushi y 7,50 florin p’e recogemento di sushi, pues
17,50 + 7,50 = 25.
Un otro ponencia eroneo ta cu lo tin cobransa atrabes di WEB, cual no t’e caso.
No tin ningun gasto adicional di WEB ni na ningun otro compania, pasobra e cobransa ta
bay via Serlimar mes. Lo haci uzo di e database di WEB, solamente pa haya sa cua
casnan ta registra/den uzo pa di e forma aki Serlimar por traha e cobransa.
Pues tur informacion cu ta circulando di aumento di prijs of cobransa adicional ta
informacion robes/incorecto!
E acuerdo cu a yega na dje di 25 florin a sosode mas cu un aña pasa, ta uno cu ta respeta
y t’e tarifa cu ta mantene.
Finalmente Minister Otmar Oduber mester agrega cu den e 6 simannan cu tin tras di
lomba, comunidad a responde hopi bon pa loke t’e cobransa di Serlimar y mas y mas
persona ta cumpliendo cu nan pago di 25 florin pa luna na Serlimar pa por recoge y
maneha desperdicio den forma responsabel.
