Page 60 - MIN JUS_Neat

Arthur Dowers: Banderanan berde a cuminsa lanta den
Dakota

Monday, 01 May 2017 22:05
Comparti

E prome banderanan a cuminsa lanta den e bario di Dakota, diadomingo ultimo. Famia Glenn
Ridderstap y famia Daisy Reyes ta entre e prome casnan pa subi nan bandera di AVP
, "Berde e ta!" pa asina mustra nan sosten incondicional atrobe na AVP y na Arthur Dowers.
Team Dowers ta ocupa tur e dianan aki cu atende yamada di ciudadanonan pidiendo pa pega nan
bandera na cas of plak sticker na nan auto, como un forma di solidaridad na e Gobierno na mando. Ta
invita tur hende pa pasa Cas di Partido AVP na Dakota pa inscribi Bo mes y asina join Team Dowers den
e campaña aki.
Mr. Drs. Arthur Dowers a participa den eleccion pa prome biaha na aña 2001 y a conta cu 203 voto di
confiansa. Den eleccion di aña 2005, despues di a sinta 4 aña den Parlamento, su votonan a subi te cu
858 y na aña 2009 e votonan a sigui crece te na 1281. Mester menciona cu despues di a goberna 4 aña
den e funcion di Minister di Husticia y Enseñansa, e politico a resulta un di esunnan cu mas a crece den
e ultimo eleccion di aña 2013, subiendo di 1281 te cu 2079 voto individual.
Su seriedad y integridad sin duda lo hib'e na un resultado aun mas grandi den e eleccion aki. E sosten di
su votadonan ta grandi y cada dia mas y mas hende nobo ta yega pa uni na e famia grandi di AVP y cu
sosten pa Arthur Dowers.

http://www.24ora.com/index.php?option=com_content&view=article&id=121351:arthur-dowers-
banderanan-berde-a-cuminsa-lanta-den-dakota&catid=12:politica&Itemid=18