Page 45 - ATA
P. 45
Pa locual ta interes na Aruba ta, cu a gusta Aruba su caracteristicanan manera e condicion di clima y e hende!
A reconoce mas cu claro tambe e potencial di turismo na Aruba. Banda di tin hotel na Islas Canarias, tin tambe
na Republica Dominicana 3000 camber y na Mexico. Aworaki e siguiente paso internacional ta Aruba.
Sr. Martinon a splica cu nan ta hopi consciente di e situacion y caracteristicanan special di Aruba y
preocupacionnan di comunidad. Gobierno tabata desde inicio hopi stricto proveendo informacion pa loke ta
cumplimentonan cu mester tin pa por bin cu e desaroyo hotelero na San Nicolas. Esaki a wordo uza como base
den e proyecto.
“Pa es motibo kier pidi comunidad di Aruba pa e confiansa, dunando nos palabra no lo haci nada cu ta bay en
contra di e principionan aki” sr. Martinon a enfatisa.
Den consulta cu Gobierno y cu SNBA a pone un y tur na disposicion di tur informacion di e proyecto y lo keda
mantene e contacto aki tambe den cada paso cu tuma, sr. Martinon a conclui.
