Page 58 - ATA

Prome Minister Evelyn Wever-Croes A Admiti Di

Tabatin Su Dudanan, Pero Despues Di Presentacion

Di Inversionistanan, Gobierno Ta Kere Cu E Plan Pa

Desaroyo Un E Hotel Na San Nicolas

 Local
- 03/07/2019

Siman pasa e inversionistanan di e hotel pa San Nicolas a duna un presentacion na
Conseho di Minister. E presentacion aki tabata uno hopi interesante na unda nan a
divulga e plan, pintura y e potretnan cu nan tabatin p’e hotel di San Nicolas. E plan pa cu
e proyecto aki a resulta di ta uno hopi bunita pa nos comunidad pero muy en especial p’e
area di San Nicolas.

Prome Minister Evelyn Wever-Croes a admiti cu na comienso e tambe tabatin su
preocupacion pa cu e construccion di e hotel aki, mescos cu comunidad di Aruba pa
motibo cu e hotel aki lo trece un aumento grandi den e total di kambernan cu lo bin
acerca. Sinembargo despues di a mira e presentacion y a scucha tur e plannan, su
preocupacionnan tambe a kita.

Segun Premier Wever-Croes y Minister di Labor, Glenbert Croes e construccion di e
hotel aki lo trece un desaroyo inmenso p’e area di San Nicolas, ofreciendo empleo na
comunidad di Aruba. Tambe nan a informa cu si tin algun necesidad di cierto servicio