Page 76 - MIN ARENDS JAN 10

parlamentario Herde esaki a tarda debi na e mes un conflictonan cu ta keda sosode
unda cu Hulanda ta keda tuma decision riba nos paisnan y di nos den Caribe. No tin e
posibilidad pa corigi, no tin un corte cu lo por bay pa apela.

Por a mira esaki den e asunto di presupuesto, nombracion di gobernador, pero e
situacionnan aki no ta pasa solamente na Aruba pero na Curaçao y St Maarten, unda
cu gobierno di reino ta dicidi manera e kier. Pesey mes Awo e tres parlamentonan lo
presenta un resolucion diahuebs awo na coleganan di parlamento di Hulanda den e
reunion di IPKO. Den e presentacion aki ta urgi parlamento di Hulanda pa institui un
areglo di conflicto cu lo mester bira un ley cu ta conta pa henter pueblo cu ta duna
posibilidad pa un organo independiente, basa riba reglanan di statuto,tuma decisionnan
cu ta mara na tur cuater pais cu nan mester tene nan mes na dje mescos cu un
veredicto di corte. Segun Rene Herde.

Den e mes un reunion aki tambe a adopta un otro resolucion cu ta haci e posibilidad pa
parlamento di Aruba, Curacao y St Maarten tuma e iniciativa pa presenta un concepto
di ley na parlamento Hulandes. Esaki ta significa cu na momento cu tin un conflicto
banda di un areglo di conflicto, pa por soluciona e conflicto nos parlamentonan tin e
posibilidad pa tuma e iniciativa y presenta proposicionnan den ley concreto na
parlamento Hulandes. Esaki ta significa cu lo coordina gradualmente loke ta ser yama e
deficit democratico cu tin den reino. Segun Rene Herde asina poco poco nos ta elimina
obstaculonan pa nos tin situacionnan mas igual entre paisnan den reino. Esaki ta loke
cu a sosode den e prome reunion di tripartiet na Curaçao , pero mañan lo sigui cu e
reunion di IPKO hunto cu e parlamentarionan Hulandes.