Page 20 - WEB

Lamentablemente Minister Chris Romero No A Splica

Con Lo Drecha E Terenonan Contamina, Unda Su

Mega Proyecto Lo Wordo Ehecuta

 Politica
- 15/05/2019

No por tapa solo cu un solo dede, ta un dicho masha conoci. Asina nos a haya reaccion
riba e publicacion cu AWEMainta a haci relaciona cu e entrevista cu a ser haci cu
Minister Chris Romero na rado GM den e noticiero di merdia, Den Noticia.

Aki unda Minister Chris Romero a duna informacion tocante San Nicolas Port Authority
and Development y tur e proyectonan cu tin den pipeline.

“Mi ta hay’e necesario pa mantene comunidad debidamente informa di tur e desaroyonan
cu ta tumando lugar rond di San Nicolas Port Authority and Development. P’esey mi a
tuma e iniciativa pa bishita diferente stacion di radio rond di nos isla pa comparti e
plannan progresista cu Gabinete Wever-Croes tin pa San Nicolas”, tabata palabranan di
Minister Chris Romero.

Sigur cu e proyecto di San Nicolas Port Authority and Development ta uno hopi
prometedor pa San Nicolas y Aruba completo. No solamente e lo ta un entidad pa
controla e desaroyo y operacion di e.o. Fast Ferry, pero tambe lo ta trahando man den