Page 44 - ARUBA BANK

ORANJESTAD (AAN) — For di aña pasa, gobierno tabata trahando riba e reforma fiscal y
di parti di Douane, nan a duna nan conseho y tambe nan a yuda den e calculonan den e
parti di accijns.

Den entrevista cu sr. Ricky Croes, director di Douane, el a cuminsa pa splica cu
gobierno a scoge pa hisa e parti di accijns riba e articulonan mas factible, manera
bebidanan alcoholico y tabaco. Y asina a yega na un subida di prijs pa productonan
destila manera: serves y biña, y otro bebidanan alcoholico, y ademas tabaco.

CONTROL

Pa loke ta control, nada ta bira diferente. Control ta keda mescos, ya cu mester

controla cu accijns y invoerrechten ta wordo paga manera debe ser. Accijns ta wordo
cobra pa hl, y esey ta nifica cu si a bin cu un boter, ta paga un accijns riba dje. Y si a
bin cu dos boter, ta paga dos biaha esey. Si a bin cu un caha di 12 boter, ta paga 12x e
accijns cu ta wordo paga normalmente ariba 1L. No ta manera hopi hende ta pensa cu

paso ta un caha esaki lo sali mas barata. Sr. Croes a sigui splica cu un boter ta paga
loke ta e tarifa nobo, e la bira 31.85 fl pa un boter di 1L, si a bin cu caha di 12 L,
naturalmente tin cu calcula 12x 31.85

DIFERENCIA DEN PRIJS

Sr. Croes, diferencia no ta den prijs ora di L of e 7,5%. E diferencia ta den e volumen.
Pa haci’e mas facil, a pone kico ta e subida pa cada boter, asina nan ta compronde

miho, ya cu e accijns ta wordo cobra pa e volumen, es decir pa L. Si e ta menos, e ta
bira menos. Douane a pone cu p.e. 1L ta subi cu 9.75 florin na accijns. Boternan di 0.7
ta subi cu 6,45 na accijns y boternan di 0,75L ta subi cu 7,30. Esey ta boternan cu
normalmente ta haya den tiendanan.

VARIOS TIPO DI ALCOHOL

Pa loke ta accijns pa alcohol, esaki a subi y e parti di biña si ta keda e invoerrechten.

Pero biña a subi pa boter di 1L , AWG. 4,33. Esey ta un subida di 35 ct pa cada boter di
1L. E ora pa un glas di biña, e calculo di 5 glas pa un boter, e ta subi cu 7ct. Un boter di
biña a subi cu 7ct pa boter. Tin dos diferente manera di cobra, cu ta ad valorem, cu ta