Page 42 - WEB

probecha di esakinan. Y sin lubida e acuerdo cu Gasunie, cuanto esaki lo a costa of ta costando pais Aruba.
Nos kier sa cu transparencia con a para cu e proyecto di gas conhuntamente cu ECOGAS. Nos kier pa pueblo
wak y scucha cuanto miyones a ser inverti den esaki y cu si esaki a bay perdi y ta ken lo mester a para
responsabel pa esaki.

Mudamento di waf

Nos kier tambe den e reunion aki pa APA ta presente p’asina duna nos tur informacion di e estudio di impacto
cu WEB lo tabatin cu e mudamento di waf pa Barcadera. Pasobra awor lo bay cambia pa un fuel oil cu lo costa
mas y diripente kier manda carta pa Utilities recordando cu prijs di crudo ta subi y cu lo mester tin

consecuencia pa e prijsnan di awa y coriente, mientras cu no ta pueblo tin di paga un biaha mas pa mal
decisionnan tuma. Nos tin cu pone bon cla y nos lo exigi di e companianan aki pa no sconde nada mas y papia
e berdad con e proceduranan a ser encamina y ta ken tabata esun cu a exigi pa e mudamento iresponsabel aki.

Pueblo tin derecho di haya sa con cos a cana di 2009 pa 2018 den nos companianan estatal pa nos por
comprende ta con nos a yega te aki.

Papiando di transparencia

Un cos si mi a keda asombra cu sr. Sneek a siña ki ta e palabra transparencia, pasobra nos tur por corda con

‘transparente’ e parlamentarionan di AVP tabata traha y sigur un ehempel tabata e contracto di CITGO. Unda
cu sr. Sneek a keda mudo y tabata solamente ter inzage parlamentarionan mester a lesa un contracto sin por a
busca conseho riba esaki. Y nan tabata haci nan trabao asina transparente cu a permiti ex Promer Minister
Mike Eman manda un carta y pidi Tweede Kamer pa no publica e resultado di e Quickscan di CITGO cu
tabata na werki. Unda sr. Sneek tabata manera un homber pa pidi transparencia? Pues mi ta lamenta si cu ta te

awo cu sr. Sneek ta den oposicion, despues di 8 aña di ta mucha manda di su ex Promer Minister Mike Eman,
awendia kier papia di transparencia y a lubida cu su Gobierno niun caminda tabata brinda
transparencia. Unico cos cu sr. Sneek tabata haci tabata papia barbaridad y vota voor of tegen riba instruccion

di su ex Promer Minister Mike Eman. Esaki ta e motibo cu awe no solamente e trahadornan di WEB ta ser
perhudica pero nos pueblo cu semper ta esun cu tin cu carga cu tur e mal decisonnan tuma. Awel e biaha aki
nos kier tur transparencia, tur carta y nos kier sa tambe kendenan ta esnan responsabel pa e situacion fragil di
nos companianan y tambe si tin cabes mester cay esaki mester sosode tambe.