Page 21 - LOTTO

Despues di Britannia,e team di RCA tambe a bira campeon algun biaha,
Estudiantes no tin mucho hopi aña participando. Nan ta un team nobo y esaki ta
di 3 campeonato cu nan ta participa y constantemente ta participa den final,

Richard Dijkhoff a remarca. La Fama semper tambe tabata tin un team di futbol
femenino.

“P’esey mi ta bisa cu futbol femenino t’ey na Aruba. Aña pasa nos a dedica hopi

atencion y nos a hiba un campaña pa futbol femenino”, president di AVB a
indica. Na e momentonan aki AVB ta trahando ariba un concepto pa drenta

scolnan, pa asina haya mas mucha muhe entre e edad di 6 pa 12 aña pa
participa den futbol femenino. Esaki ta pa asina e siguiente campeonato di
futbol femenino por tin diferente division.

Ta mira cu den e 4 team aki, e edad ta varia hopi y esaki ta pa motibo cu tin 1

solo division. “Tin por ehempel muchanan di 13 aña te cu señoranan di 25 aña
ta competiendo cu otro. Pero nos kier trece structura den esey, door di

implementa mas division den e futbol di dama”, asina Richard Dijkhoff a
expresa.

A funda Arubaanse Voetbal Bond na aña 1932 y a afilia na CONCACAF na aña
1986 y despues na FIFA na aña 1988. E ta e organisacion cu ta maneha futbol

amateur y profesional riba nos isla, incluyendo e muchanan, hoben, hende
muhe y adultonan. E ta responsabel pa sanciona e refereenan y e torneonan di

futbol organisa pa mayoria liga. Nan oficina ta situa den Compleho Deportivo
Frans Figaroa na Noord.