Page 67 - MIN SOC

Gobierno y FCCA a kwijtscheld e debenan cu nan tin cu otro
pa asina cuminsa cu un 2017 prometedor

Wednesday, 07 December 2016 20:49
Comparti

FCCA tabata tey presente den sala di Parlamento. Minister di Infrastructura, Benny Sevinger a comenta
cu por fin a yega na un acuerdo.
For di tempo di eilandsgebied Aruba, tempo cu nos tabata cay bao di Antias, FCCA a wordo funda y e
tempo ey a cay directamente bao di minister di Infrastructura. Cu tempo esaki a cambia y FCCA a bira un
fundacion di Gobierno. Pero e problematica ta cu for di e tempo ey tabata tin un cooperacion entre
Gobierno cu FCCA, unda cu FCCA tabata haci proyectonan y Gobierno ta bisa cu si traha e caminda,
Gobierno ta compensa esaki den futuro, por ehempel. Asina ey Gobierno tabata tin biaha cu a fia placa
na FCCA. Con cu bay bin, for di tempo cu nos tabata den Antias, a bin un gap entre Gobierno cu FCCA,
caminda cu Gobierno ta bisa FCCA cu nan debe Gobierno, y vice versa.
Durante e ultimo añanan a ripara cu ora FCCA kier bay riba mercado internacional pa pidi placa of fia
placa na un interes mas abao, compara cu banco pa traha casnan social, semper e consorcionan
financiero internacional tabata acerca y bisa FCCA cu nan ta mira cu riba e balansa di FCCA ta poni cu
Gobierno debe nan placa y cu esey ta un punto cu ta un risico pa e consorciona di fia placa na FCCA.
Consecuentemente ora cu FCCA fia placa, pero na un interes hopi mas halto, pasobra e consorcionan aki
kier minimalisa e riesgo. Con cu bay bin, durante e ultimo añanan, prome minister, hunto cu minister
Sevinger, hunto cu FCCA financien, a sinta hunto, pa wak con por yega na un acuerdo pa wak con e
pagonan por wordo haci pa yega na un acuerdo pa desde 2017, no debe nada, caminda cu FCCA por kita
for di su balance cu Gobierno debe y vice versa y por cuminsa cu un sheet nobo, unda cu Gobierno lo
paga FCCA parti di servicionan cu nan ta duna den e caso aki, subsidio na nos ciudadanonan y asina ey
no ta bouw op nada, ken debe otro. Esey a trata den Parlamento. Por a sinti e gevoelens cu e
problematica aki ta uno di mas di 30 aña bieu, cu a bin ta crece durante tur Gobierno prome cu esaki, cu
por fin ta wordo soluciona y ta sinti cu Parlamento ta di acuerdo pa solucion’e, pa asina FCCA por bay
sigui haci nan trabao y Gobierno tambe por sigui haci su trabao y hunto percura pa proyectonan social,
proyectonan mas miho pa nos comunidad. Esey tambe ta un di e puntonan di agenda cu a atende y te
awor aki por bisa cu mirando e reaccion di Parlamento, cu nan ta di acuerdo pa yega na e
comprondemento aki, na e compromiso aki cu e ora ey ta kwijtscheld tur debe, cu ningun di dos ta debe
otro y cuminsa 2017, cu proposito nobo, cu proyectonan nobo. FCCA a entrega un lista di 15 miyon na
proyecto cu ta cuminsa den e dianan aki y e ora 2017 lo ta un aña prometedor pa FCCA y Gobierno di
Aruba.