Page 16 - AWM13DEC2016
P. 16
16 AWEMainta Diamars, 13 December 2016
Diasabra dia 17 di december durante concierto di Chicas Gaiteras
Tremendo festival di Pasco den “E Re-encuentro”
DIASABRA dia 17 di december proximo
ta bay tin e concierto cu tur hende tabata
warda riba dj’e, esta e “Chicas Gaiteras, E
Re-encuentro Divas in Concert”.
Chicas Gaiteras ta reuni despues di un
decada pa ofrece un concierto di kita
sombre na comunidad di Aruba. E evento
ta tuma luga den Aruba Entertainment
Center na Dakota di 8:00pm – 12:00am.
E concierto aki lo ta un solo show y du-
rante di esaki lo tin un tremendo Festival
di Pasco. Esunnan interesa pa tin un tent
di cuminda, cos dushi, decoracion, regalo
pa Pasco, etc, por manda un email na
chicasgaiteras@gmail.com pa haya mas
informacion.
Ticketnan ta obtenibel na Citgo Boulevard
y na Citgo Essoville. Prebenta ta Afl.25.00
y na porta e dia di e concierto Afl. 35.00,
mientras cu seccion di VIP ta bay pa Afl.
50.00.
No perde e tremendo concierto aki cual lo
ta un solo presentacion. Lo tin doorprizes,
bar y cushina di Pasco lo ta bon surti.
