Page 50 - MIN JUS

Jorge Schlipken Croes di Aduana ta baha cu VUT despues di

casi 40 aña di servicio

Wednesday, 30 November 2016 18:47
Comparti

Desde dia 1 di December 2016, Duanero Jorge Schlipken Croes ta bay disfruta di su VUT y pensioen bon
mereci, despues di a sirbi departamento di Aduana y pueblo di Aruba pa 39 aña y 7 luna.

Despues di un largo trayectorio den Departamento di Aduana Aruba, e ta despedi di su departamento cu
gratitud. E trayectorio di Jorge Schlipken Croes como Ambtenaar ta uno di admira, un persona cu a
cuminsa desde su 19 aña di edad na Aduana y poco poco a sigui crece, adkiri experiencia y traha na tur
departamento di Aduana Aruba. Jorge Schlipken Croes a drenta Departamento di Aduana Aruba dia 9 di
mei 1977 como hulpkommies der Belasting, unda e kantoor di Aduana tabata un cas di famia situa dilanti
parke Wilhelmina. Su prome departamento tabata na Loods 6 unda e la traha den
Kantoorvoorraadadministratie cu tabata tene buki di tur e deposito nan cu tin vergunning di Douane pa
tin un entrepôt. Na aña 1981 Jorge Schlipken Croes a bay traha na aeropuerto di Aruba, despues di eynan
a cuminsa traha na departamento de Ambulante dients na Waf Aruba na e momento ey e tabata
Kommies 2de klasse. El a traha 5 aña na Waf y a gradua despues pa Hoofkommies der Belasting na aña
1985. Na aña 1985 a transferi Jorge Schlipken Croes pa Kantoor Vrijmaking cu ta resorta bou di
Technische Dienst. Na aña 1989 a transferi pa Kantoor Aangifte na unda e mesun aña e tabatin e
oportunidad di haya un studieopdracht pa Hulanda pa bay Rijksverificateur Opleiding na Den Haag.

Na aña 1991 el a termina su opleiding cu exito, ora el a yega Aruba el a pasa den un programa di
orientacion na diferente seccion di Aduana unda despues bay bek pa e departamento di Aangifte.
Despues di esey el a pasa na Loods 6 pa traha den Drankenloods pa midi alcohol den bari, fust, despues a
bay pa Kantoor na Aerocargo, Afdeling Techniek y a neemwaar pa periodo nan cortico na diferente
seccion di aduana. Na aña 2001 a transferi’e como waarnemend Chef di Vrije Zone y ta unda cu el a
cuminsa forma parti di Management Team di Cuerpo di Aduana y a cuminsa maneha diferente seccion
manera Sectie Stad, Sectie Haven, Sectie Sanicolaas, Sectie Stad, Sectie Luchthaven pa despues na aña
2008 a nombr’e como waarnemend Chef na DRI y despues di pasa un assessment test cu exito a wordo
nombra Chef di DRI. Dia 1 di September 2008 a nombra Jorge Schlipken Croes como Hoofdverificateur
der Invoerrechten en Accijnzen, despues di su experencia na DRI como Chef, na aña 2011 a transferi’e pa
Aeropuerto pa fungi como Chef. Finalisando su carera na aña 2015 el a regresa Hoofdkantoor pa traha
riba diferente proyecto, bezwaarschriften y opleiding, el a fungi como un adviseur y na mes momento
tawata 2de waarnemend Directeur di Departamento di Aduana Aruba. Asina aki Jorge Schlipken Croes
ta finalisa su carera den Cuerpo di Aduana Aruba, cu gratitud y sigur cu un trayectorio admirabel. Cu
apoyo di henter su famia, amistadnan y coleganan, e ta bisa “ayo” na Aduana Aruba.