Page 73 - MIN JUS

Por tin testigo, pero Gomez ta basa di su conocemento di e homber aki cu ta un
bon tata, bon yiu, bon ruman, bon homber. Gomez ta pidi husticia tuma parti
pa yiu di tera. E homber aki no ta un homber violador. E homber ta un homber

integro di su mes, pasobra e homber aki Gomez sa ken e ta y hopi hende sa
ken e ta. Nan ta kere mas un prostituta kende ta bisa cu nan a viol’e y ta conta

ora cuanto rato a keda viola. Ora un hende ta wordo viola bo no ta conta ora y
bo no ta pidi e agresor hib’e su cas bek. Hamas y nunca, segun Gomez. Cu el a

bay cun’e, ta un homber e ta. Tur hende tin desliz den e mundo aki. Tanto
homber como muhe. Pero ta pidi autoridad pa por fabor, e nieto ta hopi tristo y

ta un mucha di 6 aña y e pareha ta sufriendo hopi.
Bremo ta hura y ta bisa cu e no conoce e muhe. Gomez ta investigando e
muhe. E no sa drenta den e luga di muhenan di caya pasobra e no conoce

luganan asina. Gomez a papia cu un dama di eybanda, unda cu Aruba Trading
tabata y a bisa Gomez cu e muhe ta gaña. Hasta su nomber artistico el a dun’e,

y cu e ta Gaby. Nunca Gomez a drenta den un luga asina. Gomez tin duele. Su
yiu tin stress den su curpa. Gomez ta kere Bremo y e pareha di dje tambe ta

kere den Bremo. E polis a hura pa su yiunan cu e no a viola e muhe y ta pa
prome biaha el a wak’e y Gomez sa cu e no ta bay gaña. E prostituta a bisa cu

el a wordo viola y Bremo a bisa cu no. E no tabata sa mes e nomber di e muhe.
Ta trata aki di un polis y tin cu tuma parti pa autoridad. Autoridad tey pa
defende hende y no pa push’e bay abao. Gomez ta cuestiona dicon no tin

husticia, den e caso aki pa un prostituta cu ta bin busca placa na Aruba y bay su
pais. Gomez ta suplica autoridad. Bremo ta inocente y no ta bon pa pone man

den candela, pero pa Bremo si e ta pone man den candela, pasobra e sa ken e
ta. Cu 22 aña cu e ta cu su yiu, e sa ken Bremo ta.