Page 13 - MIN JUS

Minister di Husticia na parlamento pa

responsabilisa su mes

February 6, 2017 Bon Dia Aruba
Share this:

E cantidad di atraconan den e ultimo simannan atrobe a bira un discusion politico unda por mira awor
cu e malcontento tambe ta reino awor den e fraccion di partido den gobierno, AVP. Awe minister di
Husticia Arthur Dowers mester responsabilisa su mes den parlamento riba su maneho.

Esaki no ta e prome biaha. Diferente biaha durante mando como minister di Husticia sr. Dowers (casi ocho

aña) ta bou critica fuerte. Oposicion ta haya cu e mandatario no ta haci suficiente pa combati criminalidad. Aña
pasa entre 700 pa mil hende a participa den un manifestacion contra criminalidad unda e organisadonan a exigi
di gobierno pa entre otro pone mas placa disponibel. Gobierno a priminti di inverti 10 miyon florin extra den

combatimento di criminalidad y tambe pa cuerpo policial asina por pone mas polis riba caya.