Page 78 - MIN JUS

Minister Arthur Dowers: No ta facil pa limita derecho di un
hende

Sunday, 05 February 2017 18:58
Comparti

Tin un hoben cu tabata un problema pa e bario di Ponton. E mucha tin un problema mental. Por a tende
tambe cu no por maneha e problema aki na Aruba.
Den pasado tabata tin un mucha cu e mesun sintoma a mata su mama, tata y su ruman y ta cera den
KIA.
Minister Arthur Dowers, tambe ta na altura di e situacion aki. Tin hopi mucha cu ta den e situacion aki.
Husticia tambe ta interveni, den cuadro di Kinderbescherming y tambe den cuadro di e posibilidadnan
cu tin pa por deten’e un di e muchanan aki, ta haci’e, tin biaha den cuadro di leynan penal ta haci’e, pa
asina por trankilisa e situacion.

Tin di e muchanan aki ta sufri di cierto problemanan di comportacion cu en principio ta problemanan di
salubridad, pero no di husticia y lamentablemente, tur ora no tin e facilidadnan aki na Aruba pa por
atende cu e muchanan aki. A logra den ultimo tempo di a handle varios di e muchanan aki. Tin a wordo
manda Hulanda y tin caminda cu e minister a interveni y coopera pa algun di e muchanan aki haya
tratamento. Tin di nan a mehora y ora cu tende algun di e storianan caminda cu e muchanan tabata nan
no por a deal cu nan y despues a haya tratamento y mira con nan ta awor aki, ta bale la pena pa den
cuadro di e salubridad publico, atende cu e muchanan aki den e forma mas optimal posibel.
No por logra tur ora door di falta di facilidad. Awor aki a bin cu e plataforma caminda cu tur gremio ta
sinta hunto y eynan ta atende cu cierto di e casonan aki. Tambe nan a bin cu e facilidad di
Orthopedagogisch centrum pa asina ey por atende cu e muchanan aki, sea cu ta temporal of cu por
stabilisa of trata nan pa un tempo mas largo. Lamentabel ta asina cu ta bezig ta buscando personal for di
aña pasa y te na e momento aki no a logra haya suficiente personal. E siman aki ta haci un evaluacion si
ta haci cu por bay pafo di Aruba pa busca mas personal, pasobra simplemente no tin hende, por lo menos
esnan capacidad no a solicita pa traha den e institucion. Y tambe ta asina cu lo mester haci algun
adaptacion chikito na e facilidad cu ta nobo, cu tin cu wordo habri awor aki, cu ta den funcion den un
parti y tin cu habri completo, pa asina ey por cuminsa atende cu e muchanan aki. E minister ta convenci
cu e esfuersonan cu ta haciendo conhunto, ta duna cierto resultado, pero no tur ora ta logra di atende cu
tur caso. Na prome instante tin cu tene cuenta cu e muchanan cu tin problema di salud y e no ta asina ey
cu husticia tin tur e autoridad pa por actua contra di nan. Tin cu bay den cuadro di leynan stipula pa esey
y ta asinta cu e leynan tambe tin masha hopi proteccion. Ta mira awor aki tin un discusion andando na
Hulanda, unda cu e minister di Salud Publico ta puntra pa bin cu posibilidadnan adicional pa
personanan cu tin tipo di problemanan asina aki. Parlamento Hulandes a nenga di bay di acuerdo cu e
minister pa duna autoridad pa duna mas posibilidad pa actua, na momento cu hende mustra e
comportacion aki.

E mandatario a splica cu esaki lo keda un discusion pa hopi tempo pasobra e no ta algo facil. No ta asina
cu tin e posibilidad facil pa limita derecho di hende. Una bes cu tin cu trata cu e aspecto medico, pa por