Page 10 - AM190305
P. 10
10 AWEMainta Diamars, 5 Maart 2019
Pareha herida despues cu nan a accidenta cu un Nissan Sentra na Seroe Biento
DIALUNA pa mas o menos 1’or di madruga, Polis a bay
na Seroe Biento pa un auto cu lo a perde control y lo a baha
caminda. Den e auto lo tin hende herida.
Na yegada Polis a topa cu un Nissan Sentra pega contra un
cashi coriente. E auto tabata completamente destrui. Den e
impacto fuerte e auto a kibra un meter di awa tambe.
Den cura di un cas, Polis a topa cu e pareha, ambos herida, e
dama tabata drumi riba su lomba y e homber tabata sinta.
Polis y tambe Paramediconan di ambulance mester a papia cu
e homber, paso el a nenga ayudo medico.
Nan a splik’e cu e tin un brasa fractura y cu su nanishi tambe
ta fractura, despues di basta papiamento, nan a logra hink’e
den ambulance.
Ambos a wordo transporta pa hospital, debi cu nan a haya
hopi golpi y mirando e dañonan material grandi cu e auto a
ricibi ta mustra cu e impacto tabata uno hopi fuerte mes.
