Page 104 - AHATA

Un pelicula documentario di Ida Does

Cu Ellen-Rose Kambel (investigado), Valika Smeulders (experto herencia cultural) y Marian Markelo (winti
priestess) como protagonista principal, e documentario aki ta un yamada cinematografico pa e reconocimento

di e historia di sclavitud den e memoria Hulandes.

E momento cu investigador Ellen-Rose Kambel a topa cara cara cu e potret di e doño di su antepasadonan

sclavisa, lo semper keda den su mente. E ta forma e comienso di un buskeda ferviente pa su historia familiar. E
ta reconoce cu personanan den esclavitud ta permanece desconosi, sin historia biografico. Kambel ta hasi tur
cos posibel pa yega mas cerca na e bida di su antepasadonan esclavo. Den e pelicula esaki ta conduci na un
encuentro no anticipa cu e desentientenan di e doño di su antepasadonan esclavo.

Valika Smeulders ta guiado di tour di e centro historico di Den Haag, unda cu regularmente e tin
descubrimentonan nobo di e storianan personal cu a tuma lugar patras di e mahestuoso fachadanan. E paisahe
urbanisa ta conecta estrechamente cu e siglonan di traficacion di esclavo y sclavitud. E siglonan eynan a laga

atras un herencia spiritual cu ta bira visibel pa medio di e resamento, cantamento y ritualnan cu Marian
Markelo ta comparti cu nos. E documentario Tres Muhe ta un expresion di e movicion mundial, unda cu hende
color scur y di otro colornan ta extrae forsa y orguyo for di nan historia.

Tocante e Directora:

Ida Does a nace na Surinam y a traha na Hulanda, Surinam y Aruba como docente, periodista y trahado di
pelicula documentario. Su trabou ta consisti for di temanan di historia (colonial), arte, cultura y husticia social.

Desde 2007 e ta trahando como trahado di pelicula independiente y su peliculanan a ser premia na festivalnan
internacional di cine. Na 2017, Does a ricibi e premio pa miho director femenino, di color, for di CineFam na e
CaribbeanTales International Film Festival na Toronto (Canada). Ademas su pelicula ‘Amsterdam, marcanan
di sucu’ (2017) a ricibi na Toronto e premio pa mihor documentario.

Opinion di prensa tocante Tres Muhe:

Ida Does a logra paketa algo indescribiblemente horibel den algo bunita. Claire Schut, escritora (Joop.nl)

Opinion di prensa tocante Amsterdam, marcanan di sucu:

Un documentario pionero, cu ta combati ignorancia. Hans Beerenkamp, NRC Handelsblad