Page 98 - AHATA

E ultimo punto ey tin tempo cu e partidonan por acorda kico nan ta bay haci y con ta haci

cu e trahadonan, con ta proteha nan derechonan y e punto principal awor aki ta, si e

operador actual lo haya un contracto pa e periodo ainda cu e casino lo ta den operacion.

Ta drentando den e periodo for di awo te cu Maart/April otro aña, cual ta temporada halto

den turismo.

Segun mediador, no tin un claridad total ainda. For di e parti di operador, ta pendiente un

reunion diamars y a wordo posponi. Pero logico, di parti di FTA di parti di e trahadonan,

tin urgencia pa sa exactamente kico ta pasa despues di dia 30. Den un reunion cu tabata

tin dialuna cu esnan cu ta representa e doñonan di e edificio y tambe cu den nan poder tin

e licencia pa opera e casino, a señala na nan abogado cu ta importante pa tin un

trankilidad den e hotel y den e casino y cu por garantisa salario di e trahadonan. Logico,
continuidad di empleo y continuidad di operacion.

Den e siman aki, pa mas tarda dialuna, mester tin un claridad total, si e operador actual ta

keda cu un contracto y e ta wordo extendi y cu e trahadonan por tin poco trankilidad of lo

mester tin un claridad si un otro operador of e doñonan mes ta tuma over e operacion di e
casino.

https://24ora.com/no-mester-laga-excelsior-casino-bira-un-aura-casino-

number-2/