Page 16 - AWEMAINTA

16 AWEMainta Diabierna, 26 Mei 2017

Director di DVG, dr. Jerry Staring
Director di DVG, dr. Jerry Staring
EMPLEADONAN A HAYA
EMPLEADONAN A HAYA

E OPORTUNIDAD PA HACI
E OPORTUNIDAD PA HACI

UZO DI BUS DI SALUD
UZO DI BUS DI SALUD

FOR di dia 15 pa dia 18 di mei, Bus di Salud tabata
na Directie Volksgezondheid (DVG) en conexion cu
Dia Internacional di Presion Halto cu mundialmente
ta celebra tur aña 17 di mei. Esaki tabata un tremendo
oportunidad cu e empleadonan di DVG a haya pa check
nan estado di salud, director di DVG, dr. Jerry Staring
a remarca.

Fuera di e Bus di Salud, seccion di Promocion di Salud
di DVG a percura pa tur empleado haya un control
di nan bista y tambe nan por a controla e presion den
wowo. Esaki tabata na encargo di Aruba Vision Center.

Den cuadro di promocion di salud DVG ta voorzitter
un plataforma cu ta conta cu representacion di diferente
instancia y organisacion cu tin di haci cu salud na Aruba
manera AZV, hospital, IMSAN, SVb, Wit Gele Kruis,
IBiSA y un dokter di cas.

Tur siman Plataforma Promocion di Salud ta sinta
hunto pa planea con pa procede pa crea un ambiente
mas saludabel pa nos poblacion na unda por haci e miho
escogencianan.
Esaki ta cuadra cu e strategianan cu e plataforma ta para
su tras y siguiendo y siguramente tambe di DVG pa un
Aruba mas saludabel, asina Jerry Staring a remarca.