Page 35 - AWEMAINTA

AWEMainta Diabierna, 26 Mei 2017 35

Grand Master Chaco Cornelio hopi

satisfecho cu resultado di Noord

Taekwondo Center n’e di 18 Aruba Open

DEN fin di siman Noord Taekwondo Center a par-
ticipa n’e di 18 Aruba Open cu varios atleta.
Grand Master Chaco Cornelio a fungi como un di e
refereenan internacional y tabatin su mannan yen cu
e campeonato aki cu a cuminsa despues di 10’or di
mainta y a termina despues di 10’or di anochi.
Noord Taekwondo Center tabatin un team di coach
cu a bay na turno pa coach e atletanan, mientras cu
Grand Master Chaco Cornelio tabata fungi como
referee.
Grand Master Chaco Cornelio a tuma esaki como un
training p’e Campeonato Mundial cu ta bay tuma
lugar na luna di juni na Muju, Korea.
Grand Master Chaco Cornelio ta felicita su team
completo di Noord Taekwondo Center cu a haci un
bon trabou n’e di 18 Aruba Open.