Page 39 - DESPA 29 MAY 2017
P. 39
Congreso HCCA ta importante pa specialistanan actualisa
nan conocemento
Sunday, 28 May 2017 10:31
Comparti
E aña aki lo tuma luga e di 2 congreso di Health Care Conference Aruba, unda cu lo tin diferente orador cu lo papia
riba e parti di cuido integral. Specialistanan ta traha riba un tereno di salubridad hopi limita y hopi biaha ta lubida cu
pa mehora e cuido medico.
“E ta hopi importante pa mira un tiki mas leu cu bo profesion mes”, asina President di Medisch Staff y Kinderarts,
dr. Wicha Ponson-Wever a expresa.
P’esey ta importante pa nan traha hunto cu otro profesionalnan den salubridad publico y tambe pa comunica cu nan
mas miho. Eynan sigur tin espacio pa mehora cuido aki na Aruba.
E congreso di HCCA ta hopi importante pa Aruba. E ta un congreso unico y specialistanan tin cu actualisa nan mes
continuamente. Tur specialista ta bay congreso internacional pa update nan mes. Pero e congresonan ey ta mas tanto
limita na e profesion di e specialista mes, kiermen topiconan medico. Pa mehora e cuido, e calidad di cuido na Aruba,
ta importante pa mira salubridad publico y tambe esunnan den posicion di maneho pa actualisa nan mes riba e
terenonan ey tambe.
“P’esey mi ta pensa cu e congreso aki ta un oportunidad unico pa e specialistanan na Aruba pa nan update nan mes
riba e tereno di salubridad publico y cuido integral na Aruba”, Dr. Ponson-Wever a remarca.
