Page 21 - DESPA

Dr. Luis Arango: Comunidad tin un interes creciente pa
actividadnan di prevencion

Thursday, 16 February 2017 19:48
Comparti

Despues di tur e añanan cu dr. Luis Arango ta duna asistencia na comunidad, e ta splica cu nan tabata
biniendo di aña 2000 pa 2009, den un spiral ascendente di epidemia di enfermedad cronico.
Ta un realidad cu no por nenga. E tabata alarmante e situacion na 2009. E aña ey un programa efectivo
di prevencion di un instituto dedica na esey, cu ta Ibisa, a ser crea, lanta pa promove y desaroya habito y
custumbernan di bida saludabel den comunidad. Resultadonan cu a bin ta haya ta alentador pa nan.
Epidemia di obesidad, cual a wordo constata na diferente scol, a cuminsa keha den condicionnan stabil y
den algun caso cuminsa reduci su mes. Den comunidad a constata un interes creciente pa e actividadnan
di prevencion relaciona cu movecion y alimentacion saludabel. Kiermen e resultadonan ta visibel. E ta
resultadonan cu ta tuma tempo. Prevencion ta un hecho cu ta tuma tempo, pero e ta resultadonan cu por
bisa ta un factor motivador pa nan por sigui cu nan trabao.

Normalmente na e bus di salud, tin atencion mas tanto pa ciudadanonan riba 18 aña. Pero nan tin
programanan na scol di Ibisa, cu ta yama Salud Activo, dedica na muchanan na edad escolar y ta cumpli
cu full e poblacion di Aruba. Pa nan ta sumamente importante crea den e pais un espacio di prevencion y
tuma e poblacion cu un meta pa desaroya un actividad di prevencion relaciona cu malesa cronico.

Obesidad alarmante den comunidad

E palabra alarmante tabata un palabra valido te aña 2009. Sr. Arango ta enfatisa esey pasobra tabata un
aña fundamental caminda cu e programanan di prevencion a cuminsa na un manera institucional y
structural y esey ta sumamente importante. A bin ta cambia e palabra alarmante. Kier cambia e
panorama di alarmante pa controlabel y esey ta un gran avance. Cada biaha ta wak mas interes den
hende di comunidad di tur edad den aspectonan di movecion. E ta riparabel. Tambe aspectonan di
alimentacion tin un importancia cada biaha mas grandi den comunidad y e ciudadano ta bira mas
conciente y bon informa di esey. Esey ta sumamente importante. Pa e prome paso pa por cambia e
palabra aki alarmante pa controlabel. Por bisa cu epidemia a keda den un fase stabil. Ta spera pa e
añanan cu ta bin por cambia esey y bisa cu na final ta logrando resultadonan positivo y tin un problema
di salud controla cu ta e base di tur e programanan di enfermedad cronico cu ta basicamente obesidad,
dr. Arango a splica.