Page 40 - Djabierne 3 ougustus 2018.pdf

42 Djabièrnè 3 Ougùstùs 2018
Kontinuashon di pagina 11
Deklarashon di testigu
el a drenta den e kas, el a
mira ku un di e akusadonan
tabatin arma di kandela.
Segun e veredikto el a
yuda ranka kadena for di e
víktima.
Hues a bisa ku esaki ta
hasi Koeiman kómplise di
e atrako ku morto komo
konsekuensia i ku el a falta
ku e lei di poseshon di arma.
Pa loke ta trata Rosaria,
hues a duna di konosé ku
en bèrdat e no por a wòrdu
rekonosé riba e imágennan
di kámara ku a bai rònt.
Hues a splika ku un parti
tabata kuadra ku e akusado,
pero otro parti ta un hende
ku tabata paden so por a
rekonosé si en bèrdat e
tabata un di esnan ku a
drenta den e kas i kometé e
atrako.
Mas aleu hues a duna di
konosí ku e testigu anónimo
H41 a duna detayenan
inkriminante di Mejia na
hues komisario di kual esaki
a wòrdu konsiderá komo
konfiabel.
Segun e veredikto
mas aleu, H41 a papia
tambe di e karson koló
beige ku aparentemente e
akusado tabatin bistí riba e
imágennan i a indiká ku ta
Rosaria.
Hues a duna di konos’é
ku bèrdat por tin hopi hende
ku e mesun karson manera
e akusado a bisa, pero ku
e testigu anónimo a papia
di karson i estatura ku
ta kuadra ku Rosaria i ku
tambe e akusado tin foto
saká ku un karson paresido.
Mirando esaki hues a
bisa ku tin sufisiente prueba
pa akusá Rosaria pa ku e
kaso aki.
Pa loke ta trata Mejia
tambe hues a bisa mesun
kos.
Hues a duna di konosé
ku e testigu anónimo
H41 a duna detayenan
inkriminante tambe den
e kaso di Mejia ku ta
keda yamá “Japatin” i ku
deklarashon di su alibi ku ta
su frei, no a konvensé korte
sufisiente.
Tur e tres akusadonan
tin 14 dia pa apelá nan
sentensia.