Page 16 - BNDIA ARUBA
P. 16
A16 HENDE
Diabierna 7 Juni 2019
Colegio San Antonio a organisa un Talendorp exitoso
ORANJESTAD - Diamars y diaranson ultimo, docen-
tenan di idioma a organisa un asina yama ‘Talendorp’
pa su alumnonan di Ciclo Basico 2. E concepto di Tal-
endorp ta
existi caba y ta wordo ehecuta na algun scol na Aruba.
Durante preparacion pa nos mesun Talendorp, docentenan di
Colegio San Antonio a bishita nan colega di Mon Plaisir Col-
lege y Maria College pa haya mas informacion, y di e forma
aki a hinca un mesun concepto di Talendorp den otro pa nos
scol.
Un Talendorp ta un ehercicio caminda alumnonan ta haya e
oportunidad pa haci uzo di un idioma den un situacion real.
Pa logra esaki, e scol ta crea un scenario y ta invita boluntario
cu ta yuda actua y crea e situacion real aki. Alumnonan a haya
preparacion den les pa e Talendorp.
Na Colegio San Antonio por ehempel, e alumnonan a haci un
biahe pa diferente pais. Aki nan a haya nan mes den diferente
situacion y mester a defende nan mes den e idioma indica.
Asina por ehempel nan a bishita un cinema na Rotterdam,
Hulanda; a haya nan mes ta bay hospital na Bogota, Colom-
bia; mester a haci un denuncia na warda di polis na Willem-
stad, Corsou; of mester a pidi informacion turistico na Or-
lando, Merca.
Pa logra esaki a pidi traha riba diferente stand y tambe a acerca
diferente compania pa yuda decora esakinan, a acerca bolun-
tario pa actua, y a haya docentenan di diferente scol secundar-
io disponibel pa asisti na momento di evalua cada combersa-
cion. Na final di e proyecto, cada alumno lo haya un nota pa e
ehercicio aki pa cada idioma.
E Talendorp na Colegio San Antonio tabata bou encargo di
docentenan Tjon y Kelly di Hulandes y Ingles respectiva-
mente. Nan kier gradici Avianca, Cuerpo Policial Aruba,
Spirit y Maduro Travel. Un palabra di gradicimento ta bay
tambe pa e boluntarionan di Universidad di Aruba y tur otro
actor cu a yuda crea bunita scenario pa nos alumnonan. Tam-
be e organisadonan kier gradici Maria College Mavo, La Salle
College y Ceque College pa duna nan docentenan di idioma
e oportunidad pa asisti e docentenan di Colegio San Antonio
den nan evaluacion.
Den evaluacion cu alumnonan, gran mayoria tabata hopi
entusiasma cu e resultado di e proyecto y a disfruta.
