Page 10 - MIN VOS 27 MAY 2017

22 AWEMainta Diasabra, 27 Mei 2017

Tiger Taekwondo Academy

a presenta su di 18 edicion

di Tiger Taekwondo Open

International Championship

cu tabata super exitoso

UN total di 280 atleta a forma parti di e magno evento di
taekwondo cual a haci esaki un di e eventonan mas exitoso den
e era di taekwondo na Aruba.
Teo Rodirguez di Tiger Taekwondo ta masha contento cu e
obhetivo aki cual ta un soño pe y su organisacion.
Pa Aruba un total di 80 atleta di 11 skol a competi. Manera
premira esaki a bira un grandisimo mientras e combatenan
tabata di nivel superhalto.
Sigur esaki tabata un experiencia unico pa nos atletanan di
Aruba, kendenan a forma parti di un evento internacional di
taya.

Mester bisa cu varios pais cu confirma a yega Aruba cu nan
atletanan manera Colombia, Surinam, Venezuela, Republica
Dominicana, Merca, Panama, Argentina, Sur Korea, Boneiro,
Corsow, Boneiro, Costa Rico y Puerto Rico.
Mescos tambe ta conta p’e refereenan internacional cu a asisti
esnan di Aruba den tur e peleanan. Na banda di e competencia
di taekwondo tabata tin tambe e competencia di Poomsae y
Para-Taekwondo pa atletanan paralimpico cu pa prome biaha
por a admira na Aruba.

Como e mihor ekiponan local a sali Brazil Taekwondo Stichting
y Stichting Tiger Taekwondo Academy, mientras cu 5 atleta di
Aruba a logra conkista e trofeo como e mihor taekwondondista
di nan categoria, esakinan Best Fighter Male Infantil National
Zayon Thielman (Stichting Tiger Taekwondo Academy), Best
Fighter Female Infantil National Sue-Jean Kelly (Stichting Ti-
ger Taekwondo Academy), Best Fighter Male Cadet National
Justin Granham (San Nicolas Taekwondo Center), Best Fighter
Female Cadet National Shanille Perez (Noord Taekwondo
Center), Best Fighter Male Junior National Shaquille Barry
(San Nicolas Taekwondo Center), Best Fighter Female Junior
National Chiara Petrocchi (Stichting Tiger Taekwondo Center,
Best Fighter Adult Male Angelo Rodriguez (Stichting Tiger
Taekwondo Academy)