Page 75 - ECEM JAN 20

Gerald Keteldijk di DTP: Touroperatornan mester keda haci
tour y laga taxi haci nan trabao

Thursday, 19 January 2017 17:13
Comparti

Tin cierto touroperatornan, tin cierto permiso, pero no ta core tour. Nan ta cobra hende pa cabes na
porta di waf crucero, hiba y bahanan, etc. Segun Gerald Keteldijk, director di DTP, a splica cu e tabata
basta luna afo y tin apenas 1 luna bek na DTP. El a tende di e problematica aki.

Loke cu e por corda ta cu tin hopi barco aden, hopi turista riba pia, hopi biaha tabata tin un shortage di
taxi cu suppose di haci e trabao eynan, esta hiba beach y bin bek. Pa e motibo ey tabata pidi cooperacion
y zet in personanan cu ta core tour pa facilita e turistanan cu e servicio ey. Cu el a bira algo structural,
esey si no mester ta. E intencion ta cu esnan cu ta touroperator, mester keda haci tour. E ta para bira un
sorto di vertakte taxi ora cu tin barconan aden y no tin hende cu ta pidiendo pa bay tour. Di un otro
banda ta sinti cu e keho ta bin di banda di taxistanan. Si bo ta keha, bo tin cu haci y duna servicio tambe.
Tin mas of menos 450 taxi cu ta registra, a base di e moratorium y ora cu tin barconan aden, fuera di
esunnan cu ta paga pa subi tereno di waf, unda e otronan ta keda. Apesar cu nan no por drenta waf, nan
por core rond pafo di waf y e ora ey duna e servicio eynan tambe. E ta un keho. Ketteldijk ta sigur cu ta
un keho real, pero e keho tin diferente faceta cu e taxistanan tambe mester tene nan mes na dje, en bes di
para critica so, duna servicio. Prijs Keteldijk a splica pa evita bringamento y discusionnan dilanti di
turista, pa loke ta prijs y mahos tin biaha cu tabata tuma luga pafo di e tereno di waf, a purba di
reglament'e, pone na un prijs fiho, caminda cu no mester tin e ora e discusionnan pisa ey mas, vooral e
discusion ta bin ora di bahamento di prijs. Ketteldijk a splica cu esaki a bay for di man, lo a bay for di
man durante di e periodo di aña pasa. Tin di compronde, cu bao di persona cu tabata encarga cu DTP
anteriormente a cambia e forma di traha. Nan no ta keda para manera antes pa temponan largo na waf,
sino ta tira control mas bien cu auto. Si e problemanan ey ta existi ainda, di parti di DTP lo mester bay
wak con ta bay tackle esaki.

Mester di personal Mester bisa si e no ta desconoci cu e onderbezetting na DTP ta hopi halto. Ora ta
papia di onderbezetting, ta papia di 50% y onderbezetting cu tey desde 2012 cu a bin over den e dienst
nobo, e ta alarmante. Kier haci tur e trabaonan cu ta cay den nan pakete di trabao, pero si no tin e
cantidad di hendenan suficiente pa haci'e, e ta keda water naar de zee dragen. Mester tin personal,
mester tin autoridad, mester tin tambe e material, autonan, etc. pa por cubri tur e terenonan pa cual
pueblo ta pidi pa controla. Sin esey, e ta keda dificil. Ta keda wanta critica, cual Ketteldijk ta conciente di
esey. Tin cu compronde di otro banda tambe. Kier, pero e ta bira dificil pa haci'e. Ehecuta pa falta di
personal. Si bisa cu tin un ploeg di 4 persona y 2 di 3, ta papiando aki di 10 persona trahando dos warda.
Banda di esey tin un man di hende di dispatchers cu tin cu traha na aeropuerto y tambe na waf. Un
hende realistico cu mira e situacion aki sa cu ta tanto cantidad di hendenan ey, no por traha. Ta den
combersacion cu minister de Meza na e momentonan aki pa mira si por haya mas personal tanto
toezichthouders, pero tambe dispatchers. E ta urgente. Mester di hende.