Page 17 - MIN VOS

Spuiters ta propina Pizza Hut Monster nan promer derota
den un forma elegante planteando respet

Thursday, 18 May 2017 09:58
Comparti

Campeonato HEINEKEN di Aruba Softball Bond dedica na dos baluarte Sra. Bertha Wolf Croes y
Eugenio “Tan” Helder a inicia den gran forma. Despues di un desfile colorido y bunita y alaves después di
e ceremonia unda entreotro a homenagia e dos baluartenan e dos equiponan den categoria AA a midi
forsa.

Angelo Arnold a tuma e montículo pa Spuiters mientras e veterano Arjen Mathilda a inicia pa Pizza Hut
Monsters. Spuiters ta coy ventaha 4-0 den e promer 2 inningnan pero Mesora Pizza Hut Monsters ta
reaciona no meson cu 5 careda den bom di 3 inning pa bolter e score 5-4 na favor di Pizza Hut Monsters
rina algún hit den combinación cu 2 error y un homerun inside the park di e hoben Lenny Ashby Junior.
Spuiters sinenbargo no ta entrega y den cabes di 5 inning 2 coredor ta jega base unda Carlos Wester ta
conecta un “clutch triple” cu dos out pa bari base impuhando 2 careda pa bolter e score 6-5 na favor di
Spuiters. Angelo Arnold ta preta brasa den bom di ultimo inning ponchando Rolando De La Cruz
lagando e cu e carabina riba su lomba pa después sali fácil di Richinell Matos cu un fly pa right y
terminando e wega dominando Derward Ruiz cu un rolling pa pitcher pa seya e victoria. Angelo Arnold
ta resulta pitcher ganador lansando un “2 hitter” silenciando Pizza Hut por total y Arjen Mathilda ta bay
cas cu e derota. Spuiters 6 careda, 3 hit, 3 error y a laga 1 coredor na base.

Pizza Hut Monsters 5 careda, 2 hit, 1 error y 1 coredor laga na base. Mihor bateadornan pa Spuiters ta
Gilward Wester 1-1, Carlos Wester 2-1, Dereck De Castro di 2-1. Pa Pizza Hut Monster a conecta e único
dos hitnan Jerold Martijn di 2-1 y Lenny Ashby tambe di 2-1. Mester remarca si cu algún hungador di
Pizza Hut Monster a escoge pa subi FB y insulta miembronan di umpires y directiva di ASB públicamente
cual sigur ta inaceptabel riba un wega cu nan a perde. Esaki ta inaceptabel y tin regla establesi den rule
book cual nan lo mester bay deal cune awor y sigur cu man duro. Corda cu Bo ta rebaha bo propio
sponser “Pizza Hut” cu actitud asina kende ta invertiendo pa promove e deporte y su negoshi. Deporte ta
crea carácter y disciplina den un ser humano y na final di dia perdiendo Bo promer wega den
campeonato unda tin mas di 23 wega ainda pa hunga no ta refleha cu algún deportista por reaciona cu un
actitud faltando tur clase di respet públicamente di e forma aki. Campeonato lo continua diasabra awor
riba veld di Pos Chiquito unda pa 5pm den categoría A-Klas Celebritie vs Blackhawks y pa 7pm Logros vs
Predators. Dialuna 22 di Mei na Pos Chiquito den AA Balashi Premuim vs Piratas. Fast Pitch a la carga.