Page 27 - FDLP
P. 27
Campeonato HEINEKEN di Aruba Softball Bond dedica na dos baluarte Chin Thiel
(q.e.p.d) y e trabuco Wiwi Maduro a continua riba veldnan na Pos Chiquito. Den
categoria AA Liga Kibrahacha Balashi Premuim ta gana Piratas den un tremendo
encuentro 8-7.
Balashi Premuim 8 careda, 9 hit, 3 error y ta laga 7 coredor na base. Piratas 7 careda, 4
hit, 5 error y ta laga 8 coredor den circulacion. Como equipo Balashi ta bay di 28-9 pa un
averahe di 321 mientras cu Piratas ta bay di 21-4 bon pa un averahe di 190. Mihor
bateadornan pa Balashi Premuim ta Sandrick Geerman 4-2, Djurwin Croes 3-2 cu 2 rbi,
Jowald De Cuba di 3-3. Pa Piratas a destaca na plato Jonathan Perez di 1-1 cu 2 rbi y
William Benitez di 2-1. Giancarlo Gomez kende ta releva Jorge Santana den di promer
inning ta resulta pitcher ganador. Johannes Poy Flanegin ta bay cas cu e derota. Giancarlo
ta lansa 40 bola, 44 strike pa un total di 88 pitcheo y ta permiti 1 careda, 6 base por bola,
4 ponche. Poy Flanegin ta lansa 34 bola, 64 strike pa un total di 98 lansamento
permitiendo 5 careda limpi, 1 base por bola, 3 strike out. Den di dos wega di anochi
Royal Power Tat Fat Home Depot ta knock out Logros 11-0.
