Page 17 - BNDIA ARUBA

A16 HENDE HENDE A17
Diasabra 3 augustus 2019 Diasabra 3 augustus 2019

Clausura impresionante di World Scout Jamboree 2019

ORANJESTAD/BECHTEL SUMMIT RESERVE –
“Nos a yega mane Scouts, nos ta bay bek mane ami-
gonan. Danki pa e recuerdonan,” cu e palabranan aki
e Comision Organisado di e di 24 World Scout Jam-
boree a cera e evento diahuebs ultimo. E ceremonia
tabata uno impresionante incluyendo concierto, show
di vuurwerk, y e encargo na e comision cu lo organisa
e proximo encuentro mundial di Scout. Tur 34 miem-
bro di e delegacion di Aruba a presencia e clausura,
disfrutando di cada momento y contento pa tur e mo-
mentonan cu a biba durante e ultimo siman.

E ceremonia di clausura a conta cu presentacion di un conci-
erto en bibo di e agrupacion ‘Pentatonix’, ademas di shown-
an fabuloso di vuurwerk, como tambe di laser, manera e
potretnan riba e pagina aki ta ilustra. Tambe a pasa encargo
di organisacion di e di 25 World Scout Jamboree na e Or-
ganisacion Nacional Scout di Sur Korea como anfitrion di e
encuentro na zomer di 2023. E jamboree cu a cera ayera na
West Virginia tabata organisa, den conhunto, pa e Organisa-
cionnan Nacional Scout di Canda, Merca y Mexico.

E contingente di Aruba a participa cu su cantidad mas halto
di persona den historia, caminda no solamente a bay pa tur e
diversion di e actividadnan deportivo y cultural, pero tambe
a fungi como boluntario y lidernan a atende tayernan di ca-
pacitacion. Diabierna mainta tabata uno di hopi trabou pa
desmantela henter e tereno di campamento y ruim op tur
cos. Despues a warda turno, entre e 150 paisnan saliendo
den busnan for di Bechtel Summit Reserve.

E delegacion di Aruba a sali ayera tardi di West Virginia pa
Charlotte, North Carolina, caminda diadomingo proximo
lo tuma nan vuela di regresa pa Aruba.