Page 18 - MIN VOS
P. 18
Real Piedra Plat ta elimina La Fama cu score di 4-0
Tuesday, 17 January 2017 08:30
Comparti
Diasabra atardi den CD Guillermo Trinidad tabata tin continuacion di Copa Betico Croes ora cu Real
Piedra Plat a enfrenta La Fama di Savaneta. Real Piedra Plat ta milita den divicion Uno y di otro banda
La Fama den divicion Honor. Den aliñacion di Real Piedra Plat nos por a wak Joel Geerman hunto cu su
tata Carlos Geerman.
Na cuminsamento di wega e wega ariba su mes tabata balansa pero mientras cu e minuutnan tabata
pasando Real Piedra Plat a cuminsa domina e wega. Tabata Joel Geerman cu ta anota 2 goal pa manda su
team nobo ariba prome cu halftime. Den di dos tempo ta Dedo Lake cu ta hasi e wega 3-0 y na final ta
Marlon Andrea cu ta pone e score final 4-0 pa Real Piedra Plat y asina Real Piedra Plat ta pasa pa semi
final. Nos por bisa cu sigur cu Joel Geerman ta un bon refuerso pa Real Piedra Plat. Un pabien na e
hungadornan y staff di Real Piedra Plat cu nan victoria.
