Page 2 - AVB

28 AWEMainta Diamars, 24 Januari 2017

SV Britannia Bright

Bakery ta hunga di

nan 8 final di Copa

Betico Croes

DIABIERNA anochi tabatin e grandioso wega valido pa Copa
Betico Croes ora cu SV Britannia Bright Bakery a topa Ind Caravel
Burger King pa wak cua team lo hunga e final di Copa Betico. E
wega riba su mes tabata un wega digno di un semi final.

Den e prome tempo sigur e team di Caravel Burger King a sorprende
e team di Britannia Bright Bakery dirigi pa Marvic Bermudez. Caravel
tabata bon para riba tereno y tabata domina e medio campo y cu
hopi atake rib’e goal di Britannia Bright Bakery defendi pa Kendrick
Dania, pero Caravel no por a yega na anota un goal.
Faltando algun minut pa halftime Luis “Coco” Estrada ta lora un
bala riba cabes di Richard van der Hoest, kende na su turo ta anota
e goal di bay riba 1-0 pa SV Britannia.

Den di dos tempo di Piedra Plat / Paradera a cuminsa domina e
wega y a domina Ind Caravel pa basta rato pa algun oportunidad di
score pa aumente e marcador, pero e delanteronan no tabata sa di
probecha. Casi na final di wega e hoben Keano Maduro ta anota e
gol number dos di Britannia pero refree ta anula e goal.
Pero di 93 minuut Ind Caravel Burger King por poco ta anota e gol
di empate, pero e tiro ta sali rib’e tabla horizontal. Di forma aki
tambe e wega ta caba cu un victoria minimo di 1-0 pa SV Britannia
Bright Bakery.

Awor SV Britannia mester enfrenta Dakota, kendenan na nan turno
a gana Real Piedra Plat tambe cu e score minimo di 1-0. E gran final
lo tuma luga diaranson awor 25 di januari den stadion Guillermo P.
Trinidad cuminsando pa 8’or di anochi.
Nos ta desea tanto SV Britannia como Dakota exito den e gran
final aki.