Page 34 - HOH UPDATED

Un bes mas Hospital no ta reconoce ponencianan cu recientemente por a lesa den

medionan di comunicacion. Loke si nos di Hospital ta boga pe ta pa e trankilidad di nos

pashentnan y ta desea pa nan ta bon informa tocante e cuido oncologico na Aruba.

Nos Minister di Salubridad actual a purba interveni y intermedia pa loke ta cuido

oncologico na momento cu algun luna pasa ponencianan di e dokter concerni a sali den

prensa. Pero ta importante pa menciona cu dr. Jonkhoff mes a entrega su retiro y

conhuntamente cu Hunta di Directiva di Hospital a yega na e acuerdo pe traha durante e

termino restante di su contract. Hospital ningun momento no a para keto despues cu

dr. Jonkhoff a entrega su retiro y di biaha a start e proceso di recluta specialistanan

capacita pa sigui brinda cuido oncologico. Mester menciona cu apenas 7 aña pasa Aruba
a conoce su prome specialista den oncologia y prome cu esey internistanan specialisa

tabata encarga cu e cuido di pashentnan oncologico na Aruba. Awe ainda por conta cu 10

internista specialisa banda di nos oncologonan cu t’ey pa brinda cuido na nos pashentnan.

Hospital no solamente ta trahando duro riba recluta specialista pa loke ta e cuido
oncologico pero tambe diferente otro specialismo nan cu ta hasi falta riba nos isla pa

asina tur nos pashentnan por ricibi e cuido necesario na e momento necesario.

Ta di lamenta cu un persona prominente den comunidad di Aruba ta sali den publicidad y

ta haci uzo di sentimentonan di pashentnan oncologico y nan famia sin sa kico Hospital a

haci desde cu e specialista a entrega su retiro. Hospital t’ey pa salvaguardia cuido di
pashentnan oncologico y tur otro pashent cu mester di cuido.

Pero contrario na loke por a lesa e cuido oncologico ta completamente cubri y tin

siguramente continuidad y pues tur pashent por ta trankil. Pronto Hospital lo anuncia e