Page 20 - JUS

Parlamentario Clarisca Velasquez Aruba a hanja rason

Monday, 13 February 2017 08:53

Por fin mester a admiti cu e modelo cu Aruba a scohe pa atende cu nos finanzas publico ta esun corecto.
Ora otronan a critica e modelo cu Aruba scohe no ta bon y hasta a pusha palo bou di candela pa hulanda
tuma medida contra Aruba pero nos gobierno si a kere den su modelo di maneha y di stimula nos
economia, di stimula e poder di compra di nos hendenan.

No e manera cu e gobierno di Mep cu semper a introduci medida pa asina cumpli cu ordo/conseho di
hulanda. E gobierno aki a para duru pa no bin cu medida riba nos pueblo, ni pa kita hende for di trabao
pasobra esey ta loke CAFT tabata presiona Gobierno di Aruba cune..Mike Eman a kere firmemente den
su modelo y awe e ta hanja rason. CAFT por fin mester a admiti cu Aruba ta riba e bon caminda cu su
maneho riba finanzas y cu e cifranan ta klop bayendo pa un deficit cu a baha te 0.5% porciento. Hulanda
a pone presion pa Aruba hanja control financiero e ora Aruba a dicidi cu e ta hacie na su manera y laga
parlamento di Aruba aproba e ley di LAFT cu su cambionan cu Aruba ta propone y cu e ta temporal. Y
esaki a sosode tambe. Awe Aruba ta hanja rason! Hulanda por medio di CAFT a pone presion riba
gobierno pa haci na nan manera pa impone medida, austerizacion y kita hende for di trabao pero
gobierno a hacie na su manera esta di stimula poder di compra di nos hendenan, stimula economia,
percura pa e refineria habri bek, percura pa turismo florece bek, drecha e fondo di pensioen di
APFA,AOV y AZV. Awe nos ta orguyoso di nos gobierno a para duru pa loke e ta kere cu ta mihor pa
Aruba y no doblega pa hende cu no ta carga responsabilidad pe pais aki bin cu tur sorto di conseho pa
impone medida, austerisacion y kita hende for di trabao. E gobierno di Mike Eman a scohe un modelo
economico y a traha cuidadosamente riba dje y awe nos ta mira e fruto. Un finanzas salud y sostenibel y
cu masha orguyo por anuncia cu otro anja Aruba pa prome bes den su historia di existencia ta baha su
debenan.

http://www.24ora.com/index.php?option=com_content&view=article&id=118672:parlamentario-
clarisca-velasquez-aruba-a-hanja-rason&catid=12:politica&Itemid=18